ރާއްޖޭގެ ސިޔާދަތު ގެއްލުވާލާ ގައުމު ދަރަނުވެރި ކުރި ބަޔަކު މިއަދު އިދިކޮޅުގައި ތިބެގެން ރައީސް އިބްރާހީމް މުހައްމަދު ސޯލިހުގެ ސަރުކާރުގެ ބަޮލުގައި އަޅުވަމުން ގެންދަނީ ދޮގު އިލްޒާމުތަކެއް ކަމަށް ރައްޔިތުން މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު ކުރެއްވި ޓްވީޓެއްގައި ވިދާޅުވީ ރައީސް ޔާމީންގެ ސަރުކާރުގައި ޗައިނާއާ އެކުގައި ހަދާފައިވާ އެއްބަސްވުން ތަކުގެ ސަބަބުން ރާއްޖެ ދަރަނީގެ އަޅުވެތިކަމަކަށް ދިޔަ ކަމަށެވެ. ނަމަވެސް މިއަދު އެބޭފުޅުން އިދިކޮޅުގައި ތިއްބަވައިގެން ރައީސް ސޯލިހުގެ ސަރުކާރުގެ ބޮލުގައި ގައުމު ވިއްކާލަނީ ކަމަށްބުނެ ދޮގު އިލްޒާމުތަކެއް އަޅުވަމުން ގެންދާ ކަމަށް ރައީސް ނަޝީދު ވިދާޅުވިއެވެ.
Our reluctance to level with the Maldivian people & state plainly how Prez Yameen’s deals with China left us in a debt trap, is allowing opposition to spin things & wrongly accuse us of “selling the country”. Prez YAG’s deals has left us in a Chinese debt trap.
— Mohamed Nasheed (@MohamedNasheed) September 1, 2020
ރައީސް ނަސީދު މިފަދައިން ވިދާޅުވެފައިވާއިރު އިދިކޮޅުގިނަ ފަރާއްތަކަކުން ދަނީ އަވައްޓެރި އިންޑިއާއިން ރާއްޖެއަށް އަތްގަދަ ކުރާކަމަށް ބުނެ ސަރުކާރާއި ދެކޮޅަށް އަޑުއުފުލާފައެވެ.އެގޮތުން ގިނަ ބަޔަކު އަންނަނީ މި ގައުމަށް އިންޑިއާ އިން އެހީތެރިކަން ދެނީ އިންޑިއާގެ އަސްކަރީ ސިފައިން ރާއްޖޭގައި ބެހެއްޓުމަށް ކަމަށް ބުނަމުންނެވެ. ނަމަވެސް ސަރުކާރުން ވަނީ އެކަން ދޮގު ކޮށްފައެވެ.
advertisment