އއ. މަތިވެރިން ކޮވިޑް19 އަށް އިތުރު މީހަކު ޕޮޒްޓިވްވެއްޖެއެވެ. މިއީ އެރަށުން ޕޮޒްޓިވްވި ދެވަނަ މީހާއެވެ.
މަތިވެރީ ހެލްތް ސެންޓަރުގެި ޝީނިއަރ އެޑްމިނިސްޓުރޭޓަރ އޮފް ހެލްތް މުހަންމަދު މާޙިދު ވަނީ “ސަންގު” އަށް މިކަން ކަށަވަރުކޮށްްދެއްވާފައެވެ.
މާހިދު ވިދާޅުވީ އެރަށުން މިއަދު ކޮވިޑަށް ފައްސިވެފައިވަނީ އުމުރުން 23 އަހަރުގެ އަންހެނެއް ކަމަށެވެ.
އެމީހުން ބައިތިއްބާފައި ތިބީ އެކައުންސިލުގެ ފަރާތުން ކާޒާމިއާ ގައި ކަމަށެވެ. ކަރަންޓީނު ފެސިލިޓީއެއްގެ ގޮތުގައި އެތަން އަންނަނީ ބޭނުން ކުރަމުންނެވެ.
މިއީ މަތިވެރިން ކޮވިޑަށް ފައްސިވީ ދެވަނަ މީހާ އެވެ. ކުރިން ފައްސި ވެފައިވަނީ އިންޑިއާ ރައްޔިތެކެވެ. އެރަށް މޮނީޓަރިންގ އަށް އަދި ނުލާ ކަމަށާއި އެހެން ނަމަވެސް އެޗްޕީއޭ އާއެކު މަޝްވަރާ ކުރެވެމުން އަންނަ ކަމަށް މާހިދު ވިދާޅުވެފައިވެއެވެ.
advertisment