ލ. ފޮނަދޫއިން މީހަކު ކޮވިޑް-19 އަށް ޕޮޒިޓިވް ވެއްޖެއެވެ.
ފޮނަދޫ ހެލްތު ސެންޓަރުން ބުނީ މާލެއިން ފޮނަދު އައިސް ހޯމް ކަރަންޓީންގައި ހުރި ބިދޭސީއެއް ކޮވިޑަށް ޕޮޒިޓިވް ވެފައިވާ ކަމަށެވެ.
އެ މީހާގެ ސާމްޕަލް ނަގާފައިވަނީ އިއްޔެ ކަމަށާއި ނަތީޖާވަނީ ޕޮޒިޓިވް ވުމުން ސިއްޙީ މަރުކަޒުގެ ފަރާތުން އަޅަންޖެހޭ ފިޔަވަޅުތައް އަޅަމުންގެންދާ ކަމަށެވެ.
ފޮނަދޫ ދާއިރާގެ މެންބަރު މޫސާ ސިރާޖް ވެސް ވިދާޅުވީ، އެރަށުގައި ހޯމް ކަރަންޓީންގައި ހުރި މީހަކު ކޮވިޑް-19 އަށް ފައްސިވެފައިވާ ކަމަށާއި، އެކަމާއި ގުޅިގެން އަޅަން ޖެހޭ ފިޔަވަޅުތައް އަޅަމުން ގެންދާ ކަމަށެވެ.