މިއަދު އިތުރު 80 މީހަކު ކޮވިޑް-19 އަށް ޕޮޒިޓިވް ވެއްޖެއެވެ.
އެޗްޕީއޭއިން ބުނީ މިއަދު ޕޮޒިޓިވްވި މީހުންގެ ތެރޭގައި ހިމެނެނީ 60 ދިވެހިންނާއި 20 ބިދޭސީން ކަމަށެވެ.
މިއަދު ޕޮޒިޓިވްވި މީހުންނާއެކު ރާއްޖެއިން ކޮވިޑް ޖެހުނު މީހުންގެ އަދަދު ވަނީ 8361 އަށް އަރާފައެވެ. އޭގެ ތެރެއިން މިހާރު ފަރުވާދެމުން ދަނީ 2684 މީހަކަށެވެ.
ކޮވިޑް ޖެހުނު މީހުންގެ ތެރެއިން މިއަދު އިތުރު 159 މީހަކު ވަނީ ބަލިން ރަނގަޅު ވެފައެވެ. މިއާއެކު ބަލިން ރަނގަޅުވި މީހުންގެ އަދަދު ވަނީ 5642 އަށް އަރާފައެވެ.
ކޮވިޑް ޖެހިގެން މިހާތަނަށް ރާއްޖެއިން 29 މީހަކު ވަނީ މަރުވެފައެވެ.