ރާއްޖެ އަށް އައި ބަންގްލަދޭޝް ރައްޔިތެއްގެ އަތުން ތިން މިލިއަން ރުފިޔާގެ މަސްތުވާތަކެތި ކަސްޓަމްސް އިން އަތުލައިގެންފި އެވެ.
ކަސްޓަމްސް އިން މިއަދު ބުނީ ރޭ ރާއްޖެ އައި އުމުރުން 28 އަހަރުގެ ބަންގްލަދޭޝް ފިރިހެނެއްގެ ލަގެޖު ބަލާ ފާސްކުރިއިރު ކެނެބިސް އަށް ޝައްކު ކުރެވޭ ހިކި ފަތްތަކެއް ފެނިގެން އެތަކެތި ފުރަތަމަ މަރުހަލާގައި ޓެސްޓު ކުރުމުން ކެނަބިސް އަށް ޕޮޒިޓިވްވެފައިވާ ކަމަށެވެ.
އެތަކެތީގެ ބަރުދަނުގައި ޕެކިންގްއާއެކު 4.4 ކިލޯ ހުރިއިރު އެތަކެތީގެ މަގުމަތީ އަގު 3.55 މިލިއަން ރުފިޔާ އަށް އަރާނެ ކަމަށް ކަސްޓަމްސް އިން ވަނީ ބުނެފައެވެ.
އެ މައްސަލާގައި ހައްޔަރު ކުރި މީހާ އާއި އޭނާގެ އަތުން ފެނުނު ތަކެތި މިހާރު ވަނީ ފުލުހުންނާ ހަވާލުކޮށްފަ އެވެ.