ދިވެހި މިފަސްގަނޑަކީ ބޮޑު ދެ ގެރި ތަޅާ މައިދާނަކަށް ވުމަކީ ބިރުވެރިކަމެއް ކަމަށް މަޑުއްވަރީ ދާއިރާގެ މެމްބަރު އަދި ޕީއެންސީގެ ރައީސް އާދަމް ޝަރީފް އުމަރު ވިދާޅުވެއްޖެއެވެ.
އާދަމް ޝަރީފް މިހެން ވިދާޅުވެފައިމިވަނީ ރާއްޖޭގައި އިންޑިއާގެ ހަތިޔާރު އެޅި 100 އަށް ވުރެ ގިނަ ސިފައިން އެބަތިބި ބުނެ އެ ފަރާތްތައް ރާއްޖެއިން ބޭލުމަށް ގޮވާލާ އަޑު ގަދަވަމުންދާ ދުވަސްވަރެއްގައެވެ.
އެގޮތުން އާދަމް ޝަރީފް ކުރެއްވި ޓްވީޓެއްގައި ވިދާޅުވީ ދެވަނަ ފަލަސްތީނަކަށް މިޤައުމުވާން ދޫކޮށްލައިގެން ނުވާނެ ކަމަށާއި އަންނަން އޮތް ޖީލުތަކުގައި މިވަޠަންގެ ސިޔާދަތާއި މިނިވަންކަން ދަމަހައްޓައި އިސްލާމީ ވަޙުދަތު ރައްކާތެރި ކުރުމަށް ހުރިހާ ދިވެހިން އަތުގުޅާލަން ޖެހޭ ކަމަށެވެ.
“މިފަސްގަނޑަކީ ބޮޑު ދެ ގެރި ތަޅާ މައިދާނަކަށް ވުމަކީ ބިރުވެރިކަމެއް.” އިންޑިއާ އަދި ޗައިނާ އަށް ނިސްބަތް ކުރައްވާ އާދަމް ޝަރީފު ވިދާޅުވިއެވެ.
Dhevana Palestine akah vumah miqaum dhookohnulavvaa!
Annan oiy jeeluthakattakai mi wathange siyaadhathaai minivankan dhamahattai, Islaamee wahudhath rakkaatheri kurumah hurihaa Dhivehin athugulhaalamaathoa! Mi fasgandakee bodu dhe geri thalhaa maidaanakah vumakee biruverikameh.— Adam Shareef Umar (@Adamshareefz) September 10, 2020
ރާއްޖޭގައި އިންޑިއާގެ އަސްކަރީ މަރުކަޒުތަކެއް އަޅަން އުޅޭ ކަމަށްވެސް އިދިކޮޅުން އަންނަނީ ތުހުމަތު ކުރަމުންނެވެ.
ނަމަވެސް މި ވާހަކަތަކާ ގުޅިގެން ދާދިފަހުން ބޭއްވި ނޫސްވެރިންގެ ބައްދަލުވުމެއްގައި ޗީފް އޮފް ޑިފެންސް ފޯސް، މޭޖަރު ޖެނެރަލް އަބްދުﷲ ޝަމާލް ވަނީ ރާއްޖޭގައި އެހެން ގައުމެއްގެ މިލިޓަރީ ނުވަތަ އަސްކަރީ ޕްރެސެންސެއް ނެތް ކަމަށް ވިދާޅުވެފައެވެ.