ހަތް މީހުންނާ އެކު މާލެއިން ފުރައިގެން ކުޅުދުއްފުއްޓަށް ދަތުރުކުރި ލޭންޑިން ކްރާފްޓެއް ށ. ނަލަދޫ ފަރަށް އަރައިފި އެވެ.
އެމްއެންޑީއެފް އިން މިއަދު ބުނީ 140 ފޫޓުގެ “ހެވީ ސްޓާ” ނަމަކަށް ކިޔާ ލޭންޑިން ކްރާފްޓު ނަލަންދޫ ފަރަށް އަރައި ދިޔަވާ ކަމުގެ މައުލޫމާތު ލިބިފައިވާ ކަމަށެވެ.
އެ ހާދިސާގެ ރިޕޯޓު ލިބުނީ ރޭ 01:15 ހާއިރު ކަމަށް އެމްއެންޑީއެފްް އިން ބުންޏެވެ.
މި އުޅަނދުގައި ތިބީ ތިން ދިވެހިންނާއި ހަތަރު ބިދޭސީން ކަމަށާއި މި ހާދިސާގައި އެއްވެސް މީހަކަށް ގެއްލުމެއް ލިބިފައި ނުވާ ކަމަށް އެމްއެންޑީއެފުން ބުނެއެވެ. އަދި ކޮޅުވެއްޓި ފުން ކުރުމުގެ މަސައްކަތް ކުރަމުންދާ ކަމަށް އެމްއެންޑީއެފުން ބުނެއެވެ.