ތިލަފުށީގައި ގެ އަޅުއްވައި ނިދިކުރައްވަމުން ޖާބިރު ވިދާޅުވީ ދިވެހި ރައްޔިތުން އެދެނީ ފްލެޓަކަށް ނޫން ކަމަށް!

ދިވެހި ރައްޔިތުން އެދެނީ ފްލެޓަކަށް ނޫން ކަމަށާއި، އެންމެ ކުޑަކޮށް ވެސް 2000 އަކަފޫޓުގެ ބިމަކަށް، ކަމަށް ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރު އަދި ޑީއާރުޕީގެ ލީޑަރު އަބުދުﷲ ޖާބިރު ވިދާޅުވެއްޖެއެވެ.

ތިލަފުށީގައި ހުރި އަމިއްލަ ބިމުގައި ރެއިން ރެއަށް ގެ އަޅުއްވައި ނިދިކުރެއްވުމުގެ ކުރިން ކުރެއްވި ޓުވީޓެއްގައި ޖާބިރު ވިދާޅުވީ، ދިވެހިންނަށް ބިން ދިނުމުން އެމީހުން ބޯހިޔާވަހިކަން ހޯދާނެ ކަމަށެވެ.

“އަބަދު އަވާމެންދުރު ނުދައްކަވާ! މިރޭ މި ނިދަނީ ތިލަފުށީގައި ހުރި އަޅުގަނޑުގެ ބިމުގައި މިރެއިން މިރެއަށް އަޅުގަނޑު އެޅި ގެޔެއްގައި! މިއީ ދިވެހި ރައްޔިތުންގެ މިސާރު. ގުޑްނައިޓް.” އެޅި ގޭގެ ވީޑިއޯއެއް ހިއްސާ ކުރައްވަމުން ޖާބިރު ވިދާޅުވިއެވެ.

Rayyithun edheny flat akah noon, emme kudakoh 2000sqft bin! Dhivehinnah bin dhinyma emeehun boahiyaavahivakan hoadhaane, abadhu avaamendhuru nudhakkaa! Mirey mi nidhany Thilafushyga huri alhugandu bimuga mirein mireah alhugandu elhi geyeh ga! Miee dhivehi rayyithege misaalu! GN pic.twitter.com/3itJvozeS4

— Abdulla jabir (@chairmanjabir) September 13, 2020

އެ ވީޑިއޯގައި ޖާބިރު ވިދާޅުވެފައިވަނީ، ކޮވިޑްގެ މިދުވަސްވަރު އެކި ތަންތަނުގައި، އެކި ގޮތްގޮތަށް އުޅުއްވުމަށް ފުރުސަތު ލިބިވަޑައިގެންނެވީތީ އުފާ ކުރާ ކަމަށެވެ.

ޖާބިރު ވިދާޅުވީ އަމިއްލަ ބިންކޮޅެއް ލިބުނީމަ ވާ އުފަލަކީ އެގޮތަށް ރީތި ގެއެއް އަޅައިގެން ހާފު ވޯޓާގައި ހާފް ލޭންޑުގައި ނިދާލުމުގެ ފުރުސަތު ލިބުން ކަމަށެވެ.

“މި ނިދަނީ ވަރަށް ސިމްޕަލް އެކަމަކު ވަރަށް ކޮންފަޓަބްލް އަޅުގަނޑު އުއްމީދު ކުރަނީ ދިވެހި ރައްޔިތުންނަށް ބިންކޮޅެއް ލިބިއްޖެ ކަމަށް ވަންޏާ، އެންމެނަށްވެސް މުނާސަބުކޮށް، އުފާވެރިކޮށް އަޅުގަނޑުމެންވެސް މިއުޅޭހާ އުފަލުގައި ސިމްޕަލްކޮށް އުޅެވޭނެ ކަމަށް،” ޖާބިރު ވިދާޅުވިއެވެ.