ކޮވިޑް-19 އަށް ޕޮޒިޓިވްވެ، ދަރުމަވަންތަ ހޮސްޕިޓަލުގައި ފަރުވާ ހޯއްދަވަމުން ގެންދެވި ކުރީގެ ރައީސް މައުމޫން އަބްދުލްގައްޔޫމް ބަލިން ޝިފާ ލިބި ގެއަށް ދޫކޮށްލައިފިއެވެ.
މައުމޫން ކޮވިޑަށް ޕޮޒިޓިވް ވެފައިވަނީ މިދިޔަ މަހުގެ 25 ވަނަ ދުވަހުގެ ވަގުތެއްގައެވެ. އެއާއެކު ދަރުމަވަންތަ ހޮސްޕިޓަލުގައި އެޑްމިޓްކޮށްގެން މައުމޫނަށް ވަނީ ފަރުވާދޭން ފަށާފައެވެ.
މައުމޫން މިއަދު ކުރެއްވި ޓްވީޓެއްގައި ވިދާޅުވީ މާތްﷲ ގެ ހެޔޮ ރަޙްމަތް ފުޅުން ކޮވިޑް ބަލިން ޝިފާ ލިބިގެން ހެޔޮޙާލުގައި ދަރުމަވަންތަ ހޮސްޕިލުން މިއަދު ގެއަށް ވަޑައިގެންފައިވާ ކަމަށެވެ.
“އެކިއެކި ބަލިބަލި ތަޙަންމުލު ކުރައްވާ ހުރިހާ ބޭފުޅުންނަށް އަވަސް ޝިފާއަކަށް އެދި ދުޢާކުރަން” މައުމޫން ވިދާޅުވިއެވެ.
މާތް ﷲ ގެ ހެޔޮ ރަޙްމަތް ފުޅުން
ކޯވިޑް ބަލިން ޝިފާ ލިބިގެން ހެޔޮޙާލު ގައި އަޅުގަނޑު މިއަދު ދަރުމަވަންތަ ހޮސްޕިލުން ގެޔަށް އަތުވެއްޖައިން. އެކިއެކި ބަލިބަލި ތަޙަންމުލު ކުރައްވާ ހުރިހާ ބޭފުޅުންނަށް އަވަސް ޝިފާއަކަށް އެދި ދުޢާކުރަން— Maumoon Abdul Gayoom (@maumoonagayoom) September 14, 2020
މައުމޫން ބައްޔަށް ޕޮސިޓިވްވުމުން އަނބިކަނބަލުން ނަސްރީނާ އިބްރާހީމާއި އާއިލާގެ އެހެން ހުރިހާ ބޭފުޅުން ކޯވިޑަށް ޓެސްޓު ކުރެއްވި އެވެ. އެކަމަކު އެންމެންގެ ނަތީޖާ ނެގެޓިވް އެވެ.