ކުރީގެ ނާއިބު ރައީސް އަހުމަދު އަދީބުގެ މައްސަލައް ކްރިމިނަލް ކޯޓުން ބޭރު ކޮށްލުމުން ދައުލަތުން ހައިކޯޓުގައި އިސްތިއުނާފު ކޮށްފައިވާ މައްސަލައިގެ އަޑުއެހުމެއް މާދަމާ މެންދުރަށް ތާވަލުކޮށްފިއެވެ.
ހައިކޯޓުގައި އަދީބުގެ ޝަރީއަތުގެ އަޑުއެހުން ތާވަލް ކޮށްފައިވަނީ މާދަމާ މެންދުރުފަހު 14:00 އަށެވެ. އަޑުއެހުން އޮތީ ވީޑިއޯ ކޮންފަރެންސްކޮށެވެ.
މިދިޔަ މަހުގެ 27 ވަނަ ދުވަހު ވަނީ މި ހަތް ދައުވާގެ ތެރެއިން ދެ ދައުވާއެއްގެ ޝަރީއަތް ބާއްވައިފައެވެ. އެއީ މަގާމުގެ ނުފޫޒުގެ ބޭނުންކޮށްގެން ނާޖާއިޒު ފައިދާ ހޯދައިދިނުމާ ބެހޭ ދެ މައްސަލައެވެ. އެދުވަހުގެ އަޑުއެހުމުގައި ވަކީލަކު ހަމަޖައްސަން އަދީބަށް 10 ދުވަސް ދިނުމަށްފަހު އަޑުއެހުން ވަނީ ނިންމާލައިފައެވެ.
އަދީބުގެ މައްޗަށް ދައުލަތުން އުފުލި ހަތް ދައުވާ ވެސް ކްރިމިނަލް ކޯޓުން ބޭރުކޮށްލުމުން އޭނާ ހުރީ މިނިވަން ވެފައެވެ. ދައުވާތައް ބާތިލް ކުރުމުގައި ބޮޑަށް ބިނާކޮށްފައި އޮތީ އަދީބު އާއިއެކު ތަހުޤީގު މަރުހަލާގައި ޕްރޮސެކިއުޓަރ ޖެނަރަލް އާއި އަދީބުއާއެކު ވެފައިވާ އެއްބަސްވުންތަކުގެ މައްޗަށެވެ.
advertisment