ވޯލްޑް ޓްރެވަލް އެންޑް ޓޫރިޒަމް ކައުންސިލުން (ޑަބްލިއުޓީޓީސީ) އިން ދޭ “ސޭފް ޓްރެވަލް” ސްޓޭމްޕް ރާއްޖެ އަށް ލިބިއްޖެއެވެ.
މި ސްޓޭމްޕަކީ ކޮވިޑް-19އާ ގުޅިގެން ޗުއްޓީ ހޭދަ ކުރުމަށް އެންމެ ރައްކާތެރި މަންޒިލްތަކަށް ޑަބްލިއުޓީޓީސީން ދެމުން އަންނަ ސްޓޭމްޕެކެވެ. ޑަބްލިއުޓީޓީސީން ވެސް ވަނީ އެކަން އިއުލާނުކޮށްފަ އެވެ. މި ސްޓޭމްޕް ރާއްޖެ އަށް ލިބިފައި ވަނީ މިއަދު އެވެ.
މި ސްޓޭމްޕުގެ ސަބަބުން ކޮވިޑްގެ ދަތުރުފަތުރު ކުރަން ރައްކާތެރި ގައުމުތައް ފަތުރުވެރިންނަށް ފަސޭހަކަމާއެކު ދެނެގަނެވޭނެއެވެ.
ޑަބްލިއުޓީޓީސީ އިން ދޭ “ސްޓޭމްޕް” އަކީ ޓޫރިސްޓުންނަށް ހިދުމަތްދޭ ތަންތަނުގައި ހާއްސަ ރައްކާތެރިކަމުގެ ފިޔަވަޅުތަކެއް އެޅުމުން، ދޭން ސެޓްފިކެޓެކެވެ. މި ސެޓްފިކެޓް އެންމެ ފުރަތަމަ ހޯދި އެއް ގައުމަކީ އަވަށްޓެރި ސްރީލަންކާ އެވެ. މި ސެޓްފިކެޓް ދޭ ޑަބްލިއުޓީޓީސީން ބުނެފައިވާ ގޮތުގައި މިއީ ޓޫރިސްޓުންނަށް ޔަގީންކަން ލިބިގެންދާނެ ސެޓްފިކެޓެކެވެ.
advertisment