ކޮވިޑް-19ގެ ސަބަބުން ގައުމު އިނދަ ޖެހިފައިވާ މިދަނޑިވަޅުގައި ބޮޑު މުސާރަ ނަންގަވައިގެން ތިއްބެވި ލިޑަރުން ގައުމަށްޓަކައި ކޮށްދެނީ ކޮން ކަމެއްތޯ ކުރީގެ ފޮރިން މިނިސްޓަރު ދުންޔާ މައުމޫން ސުވާލު ކުރައްވައިފިއެވެ.
ދުންޔާ އިއްޔެ ކުރެއްވި ޓްވީޓެއްގައި ވިދާޅުވީ މިއަދު ރައްޔިތުންނަށް ފެނިގެން މިދަނީ ރާއްޖޭގެ އިގްތިސާދަށް އަންދާޒާ ނުކުރެވޭހާ ބޮޑު ގެއްލުންތަކެއް ވަމުން އަންނަ މަންޒަރު ކަމަށެވެ. އަދި ކޮވިޑްގެ ސަބަބުން މަރުވާ މީހުންގެ އަދަދު މަތިވަމުންދާ ކަމަށް ވެސް ދުންޔާ ވިދާޅުވިއެވެ.
“ގައުމުގެ ލީޑަރުންނާ އަޅުގަނޑު ކޮށްލަން ބޭނުންވާ ސުވާލަކީ ބޮޑު މުސާރަ ނަގައިގެން ތިބެ އަސްލު ކޮން ކަމެއްތޯއޭ ތި ކޮށްދެއްވަނީ.” ދުންޔާ ވިދާޅުވިއެވެ.
We are seeing the devastating economic impact on the Maldivian economy. People are not able to make ends meet. Deaths caused by COVID-19 is on the rise. The question I would like to our leaders is what exactly are you doing with your high pay cheques?
— Dunya Maumoon (@dunyamaumoon) September 17, 2020
ކޮވިޑުގެ ބަލިމަޑުކަމާއެކު އިގްތިސާދަށް ކުރިމަތިވި ގޮންޖެހުންތަކުގެ އަސަރު ނުކުރާ މީހަކު މަދެވެ. ބޮޑެތި ވިޔަފާރިތައް ބަނގުރޫޓުވެ، ހުއްޓާލަން ޖެހިދާނެ ކަމުގެ ބިރު ބޮޑުވެފައިވާއިރު އާންމު ރައްޔިތުމީހާ އަށް ކުރާ އަސަރު އެއަށްވުރެ ބޮޑެވެ.
މީރާގެ ތަފާސްހިސާބުތަކުން ދައްކާ ގޮތުގައި، ކޮވިޑްއާ އެކު ޓޫރިޒަމް އަށް އައި ހީނަރުކަމާއެކު، މީގެ ކުރިން މަހެއްގެ މައްޗަށް އެވްރެޖްކޮށް 50 މިލިއަނެއްހާ ޑޮލަރު ލިބުނު ނަމަވެސް މިހާރު މަހެއްގެ މައްޗަށް ލިބެނީ ހަތަރު މިލިއަނެއްހާ ޑޮލަރެވެ. އަދި މަރުކަޒީ ބޭންކު އެމްއެމްއޭ އިން ވެސް މި ފަހުން ވަނީ ޑޮލަރު ރާއްޖޭގައި ހިފެހެއްޓުމަށް ފިޔަވަޅު އަޅާނެކަން ހާމަކޮށްފަ އެވެ. މި ހާލަތުގައި ޑޮލަރުގެ އަގު އުފުލުނަ ނުދިނުމަކީ އިގްތިސާދު ހިފެހެއްޓުމަށް އަޅަންޖެހޭ މުހިއްމު ފިޔަވަޅެކެވެ.
advertisment