އެމްޑީޕީގެ ފިޔަވަޅު އަޅާ ކޮމިޓީގެ މުގައްރިރުގެ މަގާމުން ސަސްޕެންޑުކޮށްފައިވާ ޝުއައިބު ޢަލީ (ފުރަހަނި ޝުއައިބު)ގެ ހޫނު ބަސްތަކެއް އެމްޑީޕީގެ ރައީސް މުޙައްމަދު ނަޝީދަށް އަމާޒުކޮށް ބަންޑުކޮށްލައިފިއެވެ.
އީވާން ނަސީމު ޖަލުގައި މަރާލިތާ 16 އަހަރު ފުރުމާއި ގުޅިގެން ރައީސް ނަޝިދު ކުރެއްވި ޓްވީޓުގައި ވިދާޅުވެފައިވަނީ މިއަދަކީ ރައީސް މައުމޫނުގެ އަނިޔާވެރިކަން ނިންމަން ދިވެހިން ނިކުތް ދުވަސްކަމަށެވެ.
އެ ޓްވީޓަށް ރައްދު ދެއްވަމުން ޝުއައިބު ވިދާޅުވީ، ރައީސް ނަޝިދުގެ އަނިޔާވެރިކަން ރައީސް މައުމޫނުގެ އަނިޔާވެރިކަމަށްވުރެ މިއަދު ބޮޑުވެފައިކަމަށެވެ. އަދި ރައީސް ނަޝީދާއި ދެކޮޅަށް ބަސްބުނާ އެންމެނަށް ދަތިކުރަމުންދާކަމަށްވެސް ޝުއައިބު ވަނީ ތުހުމަތުކުރައްވާފައެވެ.
“މަނިކުފާނަކީ ކަލާންގެކަމަށް ގަބޫލުނުކުރާ މީހަކަށް، މަނިކުފާނުގެ ބާރުފޯރުވާ ހުރިހާ މުއައްސަސާއަކުން ފުރައްސާރަކޮށް، އަނިޔާކުރަމުން ތިޔަ ގެންދަވަނީ” ޝުއައިބު
އަނިޔާވެރިކަމުގެ ވާހަކަ ދައްކަން ރައީސް ނަޝީދުގެ ލަދު ކޮބާތޯ ބުނެ ޝުއައިބު ވަނީ ސުވާލު އުފައްދާފައެވެ.
Manikufaanuge aniyaaverikan @maumoonagayoom ah vure miadhu mivanee boduvefa.
Manikfaankee kanlaangea kamah qaboolu nukuraa meehakah manikfaanuge baaru foaraa hurihaa muassasaa akun furassaara koh aniyaa kuramun thiya gendha vee.
Aniyaaverikamey vadhaalhu van ladhu kobai tho? pic.twitter.com/rQHxp6zmES
— Shuaib Ali ???????? (@ShuaibMaldives) September 19, 2020
ޝުއައިބު އެމްޑީޕީގެ ފިޔަވަޅު އަޅާ ކޮމިޓީން ސަސްޕެންޑުކޮށްފައިވަނީ، އެ ކޮމިޓީއަށް ހުށަހެޅުނު މައްސަލައަކާއި ގުޅިގެން ކަމަށް މީގެ ކުރިން އެމްޑީޕީން ވަނީ މައުލޫމާތުދެއްވާފައެވެ.
ޝުއައިބު ސަސްޕެންޑްކުރީ އިކޮނޮމިކް މިނިސްޓަރު ފައްޔާޒް އިސްމާއިލް މަގާމުން ދުރުކުރުމުގެ މައްސަލާގައި ރައްޔިތުންގެ މަޖިލީހުގެ ރައީސް މުހައްމަދު ނަޝީދު އަމަލުކުރައްވާ ގޮތުން އެ މަނިކުފާނާ މެދު ފިޔަވަޅު އަޅައިދޭން އެދި އެމްޑީޕީގެ ޗެއާޕާސަން ހަސަން ލަތީފަށް ޝުއައިބު ސިޓީއެއް ފޮނުއްވާފައި ވަނިކޮށެވެ. ޝުއައިބު ސިޓީ ފޮނުއްވީ ފައްޔާޒް މަގާމުގެ އެކަހެރިވެ ވަޑައިގަތުމަށް އެދިވަޑައިގެން ހަސަން ލަތީފަށް ނަޝީދު ސިޓީއެއް ފޮނުއްވުމުންނެވެ.
ނަމަވެސް ޝުއައިބު ވިދާޅުވީ އޭނާ ސަސްޕެންޑު ކުރީ ރައީސް ޞާލިހާއި ރައީސް ނަޝީދުގެ ކާޓޫނެއް ކުރަހައިގެންކަމަށެވެ.
One Response
ވަރަށްބޮޑުތެދެއް ނަޝީދުނުރެހޭ ހިތަށް ބަސްބުނާ ކޮންމެމީހެއްގެ ދުވަސް ދުއްވާާލާނެ، ކޮބާ mdpގެ ރައީސްކަމަށް އަންނަ ކޮންމެމީހެއްގެ ދުވަސް ދުއްވާލިގޮތް އެކަމުގެ ހެއްކަކަށްފުދޭ.