ޓެސްޓިން ކެޕޭސިޓީ އިތުރުކުރުމަށް އެކަށީގެންވާ އުޖޫރައާއި އިނާޔަތައް ލެބް ޓެކްނީޝަނުން ދޭން ފަށަންޖެހޭ ކަމަށް މާފަންނު މެދު ދާއިރާގެ މެމްބަރު އިބްރާހިމް ރަޝީދު(ބޮންޑޭ) ވިދާޅުވެއްޖެއެވެ.
ބޮންޑޭ މިހެން ވިދާޅުވީ ވަޒީފާގެ އޮނިގަނޑުން މަހުރޫމުވެފައިވާތީ ރާއްޖޭގެ ޞިއްޙީ ޚިދުމަތްތެރިން ހިމޭންކަމާއެކު “ބްލެކް ރިބަން”ގެ ނަމުގައި މިއަދު އިހުތިޖާޖެއް ބާއްވައިފައިވާ ދަނޑިވަޅެއްގައެވެ.
އެގޮތުން ބޮންޑޭ ވިދާޅުވީ ކޮވިޑް19އާ ގުޅިގެން ރެއާއި ދުވާލު އެންމެ ބުރަ މަސައްކަތް ކުރަމުންދާ ޑިޕޮލޮމާ ޑިގްރީ ފެންވަރުގެ ލެބް ޓެކްނީޝަނުންގެ މުސާރައަކީ އެންމެ 5610 ރުފިޔާ ކަމަށެވެ.
“ޓެސްޓިން ކެޕޭސިޓީ އިތުރުކުރުމަށް އެކަށީގެންވާ އުޖޫރައާއި އިތުރު އިނާޔަތައް މީހާރުން މިހާރަށް މިފަރާތްތަކަށް ދޭން ފަށަންޖެހޭ.” ބޮންޑޭ ވިދާޅުވިއެވެ.
ކޮވިޑް19އާއި ގުޅިގެން ރެއާއި ދުވާލު އެންމެ ބުރަ މަސައްކަތް ކުރަމުންދާ ޑިޕޮލޮމާ ޑިގްރީ ފެންވަރުގެ ލެބް ޓެކްނީޝަނުންގެ މުސާރައަކީ އެންމެ 5610 ރުފިޔާ .!
ޓެސްޓިން ކެޕޭސިޓީ އިތުރުކުރުމަށް އެކަށީގެންވާ އުޖޫރައާއި އިތުރު އިނާޔަތައް މީހާރުން މިހާރަށް މިފަރާތްތަކަށް ދޭން ފަށަންޖެހޭ ! pic.twitter.com/MXFocOoByS— Ibrahim Rasheed (@BondeM4) September 20, 2020
މި އިހުތިޖާޖުގައި ބައިވެރިވި ގިނަ ޢަދަދެއްގެ ޞިއްޙީ މަސައްކަތްތެރިން ވަނީ މީސްމީޑިޔާގައި އެމީހުންގެ އިހުސާސްތަކާއި ޝުޢޫރުތައް ހިއްސާކޮށްފައެވެ. އެމީހުން ފާހަގަކުރި ގޮތުގައި އޮނިގަނޑެއްގެ މައްޗަށް ބިނާވެފައިވާ ކެރިއާއެއް ލިބުމަކީ ކޮންމެ މީހެއްގެ އަސާސީ ޙައްޤެކެވެ.
advertisment