ތިން މީހުންނާއި އެކު ދަތުރު ކުރަމުން ދިޔަ ލޯންޗެއް ފަރަށް އަރައިފި އެވެ.
އެމްއެންޑީއެފުން ބުނީ މި ހާދިސާގެ މައުލޫމާތު ލިބިފައިވަނި މިރޭ 07:25 ގައި ކަމަށާއި ފަރަށް އަރާފައި ވަނީ އދ. ހަނިފަރުން ފުރައިގެން ކ. ތިލަފުއްޓަށް ދަތުރުކުރި “ސޮނޭވާ-17” ނަމަކަށް ކިޔާ ލޯންޗެއް ކަމަށެވެ.
އެ ލޯންޗް ފަރަށް އަރާފައިވަނީ ވިލެއްސަރު ރިސޯޓްގެ ފަރަށް ކަމަށާއި، އެހާދިސާއާއި ގުޅިގެން އެމްއެންޑީއެފްގެ ކޯސްޓްގާޑުން ހަރަކާތްތެރިވަމުން އަންނަކަމަށް މައުލޫމާތު ދީފައިވެ އެވެ. އަދި އެ ލޯންޗް ފަރަށް އަރާފައިވަނީ ތެޔޮ ހުސްވެ އިންޖީން ހުއްޓިގެން ކަމަށް ވެސް އެމްއެންޑީއެފުން މައުލޫމާތު ދެއެވެ.
މިރޭ 26 މީހުންނާއެކު ދަތުރުކުރި ލޯންޗެއް ވެސް ވަނީ ފަރަކަށް އަރައިގެން އެމްއެންޑީއެފުން އެހީތެރިކަން ފޯރުކޮށްދީފައެވެ.