ކުޅުދުއްފުށި ސިޓީން އިތުރު ދެ މީހަކު ކޮވިޑަށް ޕޮޒިޓިވް ވެއްޖެއެވެ.
އެ ރަށުން ޕޮޒިޓިވެފައި ވަނީ ފާޅުބޯޓްގެ ކެޕްޓަން ކޮވިޑަށް ޕޮޒިޓިވްވުމާ ގުޅިގެން ހެދި ކޮންޓެކްޓް ޓްރޭސިންގެ ތެރެއިން ނެގި 11 ސާމްޕަލްގެ ތެރެއިން ދެ ސާމްޕަލެވެ.
މި ސާމްޕަލްތަކުގެ ތެރެއިން ޕޮޒިޓިވްވެފައިވަނީ ބޯޓްގެ ދެ ފަޅުވެރިޔެކެވެ. އެއީ 23 އަހަރުގެ ފިރިހެނަކާއި 54 އަހަރުގެ ފިރިހެނެކެވެ.
މާލެ ދަތުރުކުރާ އެ ބޯޓުން ކޮވިޑް ކޭސްއެއް ފެނުމާއެކު ރޭ ވަނީ ކުޅުދުއްފުށި މޮނިޓަރިންއަށް ލައިފައެވެ. އަދި ފާޅު ބޯޓު ދަތުރުކޮށްފައި ވާތީ އެ އަތޮޅު ނޮޅިވަރަމް ވެސް ވަނީ މޮނިޓަރިންގެ ހާލަތުގައެވެ.