ޔޫއޭއީ އިން ރާއްޖެއަށް ދެ ސެނިޓައިޒޭޝަން ޓްރަކް ހަދިޔާކޮށްފިއެވެ.
ޔޫއޭއީގެ ސަރުކާރަށް ޝުކުރު އަދާ ކުރައްވައި ފޮރިން މިނިސްޓަރު އަބްދުﷲ ޝާހިދު ކުރެއްވި ޓްވީޓެއްގައި ވިދާޅުވީ މި ވެހިކަލްތަކުގެ ސަބަބުން ކޮވިޑް-19އާ ދެކޮޅަށް ރާއްޖެއިން ކުރަމުންދާ މަސައްކަތްތައް އިތުރަށް ފަސޭހަވެ އަދި ވަރުގަދަ ކުރެވޭނެ ކަމަށެވެ.
ފޮރިން މިނިސްޓްރީން ބުނީ މި ވެހިކަލްތަކުގެ ސަބަބުން އާއްމު ތަންތަން ޑިސް-އިންފެކްޓްކުރުމަށް ކުރާ މަސައްކަތްތައް ފަސޭހަވެ، މުޖުތަމަޢުގެ ތެރޭގައި ބަލި ފެތުރޭ މިންވަރު މަދު ކުރުމަށް އެހީތެރިވެދޭނެ ކަމަށެވެ.
ކޮވިޑާއި ދެކޮޅަށް ރާއްޖެއިން ކުރަމުންދާ މަސައްކަތަށް އެހީވުމުގެ ގޮތުން ޔޫއޭއީން މިދިޔަ ޖޫން މަހުގެ ތެރޭގައި ވަނީ ރާއްޖެ އަށް 77.3 މިލިއަން ރުފިޔާގެ މެޑިކަލް އިކުއިޕްމަންޓް ހަދިޔާކޮށްފައެވެ.
advertisment