ކުރީގެ ނައިބު ރައީސް އަހުމަދު އަދީބު ތައުބާވި ކަމަށް ބެލެވޭނީ އެމްއެމްޕީއާރުސީގެ ބޮޑު ހިޔާނާތުގެ ފައިސާ އަނބުރާ ހަވާލުކުރުމުން ކަމަށް ގާޒީ ވިދާޅުވެއްޖެއެވެ.
އެމްއެމްޕީއާރުސީ ހިޔާނާތުގެ މައްސަލައިގައި އަދީބުގެ މައްޗަށް އުފުލާފައިވާ ހަތް ދައުވާ ވެސް ސާބިތުވާކަމަށް ކަނޑައަޅައި 20 އަހަރުގެ ޖަލުހުކުމެއް މިއަދު ކްރިމިނިސް ކޯޓުން ވަނީ އިއްވާފައެވެ.
ހުކުމް އިއްވުމުގެ މަޖިލީހުގައި ގާޒީ ވަނީ އަދީބަށް ނަސޭހަތްތެރިވެވަޑައިގެންފަ އެވެ. އެގޮތުން ގާޒީ ވިދާޅުވީ އަރައިގަނެވިފައިވަނީ އެތައް ރައްޔިތުންގެ ހައްގަށް ކަމަށާއި ރައްޔިތުންނަށް އިންސާފު ލިބޭނީ އެފައިސާ އަނބުރާ ދިނުމުން ކަމަށެވެ.
ގާޒީ ވިދާޅުވީ އަދީބު ކުރެއްވީ ދިވެހި ދައުލަތް ލަދުގަނެ މުޅި ދުނިޔެއަށް ފަޟީހަތްވި ކަމެއް ކަމަށެވެ. އެ ވާހަކަ މިއަދު ދެއްކެވީ އަދީބަށް ދެރަ ގޮތެއް އެދިގެން ނޫން ކަމަށްވެސް ވިދާޅުވި އެވެ.
ޒުވާނެއްގެ ގޮތުގައި އަދީބު މަގާމަށް ވަޑައިގެންނެވި ގޮތް ހަނދުމަ ކުރެއްވުމަށް ވެސް ގާޒީ ވަނީ އަދީބަށް ނަސޭހަތްތެރިވެފައެވެ.
އަވަސް ނިޔާގެ މައްސަލައިގައި އަދީބު ކުށަށް އިއުތިރާފުވެ، މައްސަލަ ސާބިތުވެފައިވާތީ އެނާގެ މައްޗަށް ވަނީ މަނީ ލޯންޑްރިންގެ ކުށުގައި އެއް މިލިއަން ޑޮލަރުން ޖޫރިމަނަކޮށްފައެވެ.
advertisment