އެކި މައްސަލަތަކާ ގުޅިގެން ފުލުހުންގެ ބެލުމުގެ ދަށަށް ގެނެސްފައިވާ މަސްތުވާތަކެތީގެ ތެރެއިން މިއަހަރުގެ ޖޫން މަހާ ހަމައަށް ނައްތާނުލެވިހުރި 300 ކިލޯއަށްވުރެ ގިނަ މަސްތުވާތަކެތި ނައްތާލުމުގައި އޮބްޒާވަރުންގެ ގޮތުގައި ބައިވެރިވުމަށް އާންމުންނަށް ހުޅުވާލި ފުރުސަތުގައި، އެކަމަށް އެދުނު މީހުންގެ ތެރެއިން 12 މީހަކަށް އެފުރުސަތު ދީފިއެވެ.
ފުލުހުން ބުނީ މި 12 މީހުންނަށް ފުރުސަތު ދީފައިވަނީ މެއިލް ކޮށްފައިވާ ތަރުތީބުންނެވެ.
މަސްތުވާތަކެތި ނައްތާލުމުގައި އޮބްޒާވަރުންގެ ގޮތުގައި ބައިވެރިވުމަށް އެދި ޕޮލިސް މީޑިއާ އަށް އީމެއިލް ކުރުމަށް ހުޅުވާލާފައިވަނީ އިއްޔެއެވެ.
އެފުރަސަތަށް އެދި މިއަދުގެ 14:00 އާ ހަމައަށް 24 މީހަކު ޝައުގުވެރިކަން ފާޅުކޮށްފައިވެއެވެ.
މަސްތުވާތަކެތި ނައްތާލުން ކުރިއަށްދާނީ މާދަމާ ހެނދުނު 10:00 ގައި ދޫނިދޫގައެވެ.