އެމްޑީޕީގެ އޮޑިއެއް ނުފެތޭނެ ކަމަށާއި ރާއްޖެ ސަލާމަތުގެ އައްސޭރިއަށް ގެންދެވޭނެ ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
ނަޝީދު މިހެން ވިދާޅުވީ ރައީސް އިބްރާހީމް މުޙައްމަދު ޞާލިޙްއާ މިއަދު ބައްދަލު ކުރެއްވުމަށް ފަހު ކުރެއްވި ޓްވީޓެެއްގައެވެ.
އެގޮތުން ރައީސް ސޯލިހު ޓެގު ކުރައްވައި ކުރެއްވި ޓްވީޓެއްގައި ވިދާޅުވީ ﷲގެ އިރާދަފުޅާއެކު އެ އޮޑިއެއް ނުފެތޭނެ ކަމަށާއި ރާއްޖެ ސަލާމަތުގެ އައްސޭރިއަށް ގެންގޮސް ރައްޔިތުންނަށް ހެޔޮ ގޮތް ހޯދައިދެއްވާނެ ކަމަށެވެ.
Raees @ibusolih, Allah ge iraadhafulhun alhugandumenge mi odieh nufetheyne. Alhugandumennah Raajje salaamathuge asseyri ah geneveyne. Rayyithunnah heyo goiy hoadhaadheveyne. https://t.co/lQ7d33j8LR
— Mohamed Nasheed (@MohamedNasheed) October 7, 2020
ރައީސް ސޯލިހު އާއި ނަޝީދު ކުރެއްވި ބައްދަލުވުމުގައި ވަނީ ގިނަ ކަންތައްތަކާމެދު މަޝްވަރާ ކުރައްވާފައެވެ. އެގޮތުން ކޮވިޑް-19އާ ގުޅިގެން ދިމާވެގެން އުޅޭ އިޤްތިޞާދީ ދަތިކަމުން އަރައިގަތުމަށް ސަރުކާރާއި ރައްޔިތުންގެ މަޖްލިސް އެކުގައި މަސައްކަތްކުރުމުގެ މުހިއްމުކަން މިބައްދަލުވުމުގައި ފާހަގަކުރެއްވިކަމަށް ރައީސް ވަނީ ވިދާޅުވެފައެވެ.
advertisment