ނިޒާރު ޖަމީލަށް: “ނިކަމެތި ހާލުގައި ނުހުންނަވާ، ރަށައް ދުރުވެ ދަނޑުވެރިކަން ކުރައްވާ”

ނިކަމެތި ހާލުގައި ހުންނެވުމުގެ ބަދަލުގައި ރަށަށް ވަޑައިގެން ދަނޑުވެރިކަން ކުރެއްވުމަށް ކުރީގެ ނައިބު ރައީސް ޑރ.މުހައްމަދު ޖަމީލަށް، ކުރިއަށް އޮތް ލޯކަލް ކައުންސިލް އިންތިހާބުގައި އެމްޑީޕީގެ ޓިކެޓްގައި އައްޑޫ މޭޔަރު ކަމަށް ވާދަކުރައްވަން ޓިކެޓް ކަށަވަރުކުރައްވާފައިވާ އަލީ ނިޒާރު ވިދާޅުވެއްޖެއެވެ.

ނަޒީރު އެގޮތަށް ރައްދު ދެއްވީ ރައީސް އިބްރާހިމް މުހައްމަދު ސޯލިހްގެ މި ވެރިކަން ނިމޭ އިރު، ދުވަހަކު ދަށަށް ނުދާ ވަރަށް ދިވެހިންގެ ހާލަތު ދަށްވެގެން ދާނެ ކަމަށް ޖަމީލް ވިދާޅުވި ޓުވީޓަކައް ރައްދު ދެއްވަމުންނެވެ.

އެގޮތުން ނިޒާރު ވިދާޅުވީ އެމްޑީޕީގައި ހުންނެވިނަމަ ޖަމީލަށް ވަޒީފާއެއް ލިބޭނެ ކަމަށާއި ނިކަމެތި ހާލުގައި ނުހުންނަވާ ރަށަށް ދުރުވެ ދަނޑުވެރިކަން ކުރެއްވުމަށް އެދިވަޑައިގަންނަވާ ކަމަށެވެ.

MDP ga hunnevinama manikfaanah vazeefaa eh libeyne. Nikamethi haaluga nuhunnavaa rashah dhuruve dhanduverikan kuravvaa. Alhuganduves mi kuranee e masakkai. @MJameelAhmed https://t.co/PDp2vCspxD

— Ali Nizar (@DhekunuNizar) October 10, 2020

ސަރުކާރަށް ވަރަށް ބޮޑަށް ފާޑު ވިދާޅުވެ ވާހަކަ ދައްކަވާ ޖަމީލަކީ، ކުރީގެ ރައީސް އަބްދުﷲ ޔާމީންގެ ވެރިކަމުގައި އެ ސަރުކާރު ދިފާއު ކުރެއްވި ބޭފުޅެކެވެ. އެކަމަކު، ނައިބު ރައީސް ކަމުން ވަކި ކުރެއްވި ހިސާބުން ފެށިގެން އޭނާ މަސައްކަތް ކުރެއްވީ ސަރުކާރާ ދެކޮޅަށެވެ.

އަދި ކުރީގެ ރައީސް ޔާމީންގެ ގާނޫނީ ވަކީލުންގެ ޓީމުގައި ވެސް އެންމެ އިސްކޮށް މިހާރު ހުންނަވަނީ ޖަމީލުއެވެ.