ހދ. ކުޅުދުއްފުށީ ފިހާރައެއްގެ ތެރޭގައި މީހަކަށް ތޫނު އެއްޗަކުން ހަމަލާ ދިން ކަމުގެ މައްސަލައިގައި މީހަކު ހައްޔަރު ކޮށްފިއެވެ.
ފުލުހުންގެ މީޑިއާ އޮފިޝަަލަކު ވިދާޅުވީ ތޫނު އެއްޗަކުން ހަމަލާ ދިނުމުގެ މައްސަލައާއި ގުޅިގެން 28 އަހަރުގެ ފިރިހެނަކު ހައްޔަރު ކޮށްފައިވާ ކަމަށެވެ.
ހަމަލާދީފައި ވަނީ 22 އަހަރުގެ ދިވެހި ފިރިހެނެކަށެވެ.
އެނގިފައިވާ ގޮތުގައި މާރާމާރީ ހިންގާފައި ވަނީ އެ ރަށު “ބަރާބަރު” ފިހާރައިގެ ތެރޭގައި ކަމަށެވެ. ހަމަލާދީ ޒަހަމް ކޮށްލާފައި ވަނީ އެފިހާރައިގެ މުވައްޒަފެކެވެ.
މިއަދު ގާތްގަނޑަކަށް 11:30 ހާއިރު ހިންގި މި ހާދިސާގައި ޒަހަމްވެފައިވާ ޒުވާނާއަށް ކުޅުދުއްފުށީ ރީޖަނަލް ހޮސްޕިޓަލްގައި އަންނަނީ ފަރުވާ ދެމުންނެވެ.