އިސްލާމްދީނަށް ފުރައްސާރަކޮށް މޯލްޑިވިއަން ޑިމޮކްރަސީ ނެޓްވޯކް (އެމްޑީއެން) އިން ރިޕޯޓް ނެރުނުއިރު އެ ޖަމިއްްޔާގެ ރައީސަކީ މިހާރުގެ ޕްރޮސެކިއުޓަރު ޖެނެރަލް (ޕީޖީ) ހުސައިން ޝަމީމް ކަމަށް އެ ޖަމިއްޔާގައި އިސްކޮށް އުޅުއްވި ޝަހިންދާ އިސްމާއިލް ވިދާޅުވެއްޖެއެވެ.
އެ ރިޕޯޓް ނެރުނުއިރު އެމްޑީއެންގެ ރައީސަކަށް ހުރީ މިހާރުގެ ޕީޖީ ހުސައިން ޝަމީމްތޯ އާންމު ފަރާތަކުން ޝަހިންދާއާ ކުރި ސުވާލަކަށް ޖަވާބު ދެމުން ޝަހިންދާ ވަނީ އެ ރިޕޯޓު ނެރުނުއިރު އެ ޖަމިއްޔާގެ ރައީސަކީ ޝަމީމް ކަމަށް ބުނެފައެވެ.
އެމްޑީއެން އިން ނެރުނު ރިޕޯޓުގެ މައްސަލަ ހޫނުވުމާއެކު ސަރުކާރުން އެ ޖަމިއްޔާ ވަގުތީ ގޮތުން ސަސްޕެންޑު ވެސް ކުރިއެވެ.
އެމްޑީއެންގެ މައްސަލަ ފުލުހުން ތަހުގީގު ކުރަމުން އަންނައިރު އެ ރިޕޯޓު ލިޔުމުގައި އަމަލީ ގޮތުން ބައިވެރިވި މީހުން ފުލުހަށް ހާޒިރުވާން ޗިޓު ވެސް ފޮނުވިއެވެ.
advertisment