އަނެއްކާވެސް ބަޣާވާތެއް ނުކުރާނެ ކަމަށް ދަންނަވަން ކެރިވަޑައިނުގަންނަވާ ކަމަށް ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެ އެވެ.
ނަޝީދު މިހެން ވިދާޅުވީ އެއްވެސް ސަރުކާރު ވައްޓާލަން ފުލުހުން ދެން ނުނިކުންނާނެ ކަމަށް ކޮމިޝަނަރު އޮފް ޕޮލިސް މުހައްމަދު ހަމީދު މިއަދު ވިދާޅުވުމާ ގުޅިގެންނެވެ.
އެކަމާ ގުޅިގެން ނަޝީދު ކުރެއްވި ޓްވީޓެއްގައި ވިދާޅުވީ ފެބްރުއަރީ 7، 2012 ގައި ހިނގިފަދަ ސަލާމަތީ ބާރުތަކުން ބަޔަކު ގައުމަށްވީ ގައްދާރުވުން ތަކުރާރުވިޔަ ނުދިނުމަށް ކުރަންޖެހޭ ކަންކަން ކޯނީގެ ރިޕޯޓްގައި ފާހަގަކޮށްފައިވާނެ ކަމަށެވެ.
އަދި އެކަންކަން ތަންފީޒު ނުކުރާހާ ހިނދަކު އަނެއްކާވެސް ބަޣާވާތެއް ނުކުރާނެ ކަމަށް ދަންނަވަން ނުކުރޭނެ ކަމަށް ނަޝީދު ވިދާޅުވިއެވެ.
7 Feb ga hingi fadha salaamathee baaru thakun bayaku qawmah vee ghahdhaaruvun thakuraaru viya nudhinumah kuranjehey kankan CONI report gai faahaga kohfavaane.Ekankan thanfeez nukuraahaa hindhaku anekaaves mutiny eh nukuraanekamah dhannavaakah nukereyne
— Mohamed Nasheed (@MohamedNasheed) November 5, 2020
ސީޕީ ހަމީދު މިއަދު ވިދާޅުވީ ކުރީގެ ރައީސް މުހައްމަދު ނަޝީދުގެ ވެރިކަމުގައި އޭރު ފުލުހުންގެ ތެރެއިންނާއި ސިފައިންގެ ބަޔަކު އިދިކޮޅު ހަރަކާތްތަކުގައި ބައިވެރިވެ ވެރިކަން ނިމުމަކާ ހަމައަށް އައި އިރު ސަރުކާރު ވައްޓާލުމުގެ ހަރަކާތުގައި ފުލުހުން ބައިވެރިވެދާނެ ކަމަށް ފުލުހުންގެ ވެރިންނަށް އަންގާފައި ވާނެ ކަމަށެވެ.