މާލެ، ހުޅުމާލެ، ވިލިމާލޭގައި މިހާރު އެއްގަމު އުޅަނދުފަހަރު ދުއްވުމާއި، މަގުމައްޗާއި އާންމު ތަންތަނަށް ނުކުތުން މަނާ ވާނީ ރޭގަނޑު 00:00 އިން ފެށިގެން ފަތިހު 04:00 އަށް ކަމަށް ހަމަޖައްސާ ފިޔަވަޅުތަކަށް ލުއި ދީފިއެވެ.
ޑިރެކްޓަރ ޖެނެރަލް އޮފް ޕަބްލިކް ހެލްތު މައިމޫނާ އަބޫބަކުރު މިރޭ ނެރުއްވި އެންގުމުގައި މިހާރު މާލޭ ސަރަހައްދުގައި 15 މީހުންނަށް ވުރެ ގިނަ ނުވާނެ ގޮތައް މީހުންނަށް އެއްވެ އުޅެވޭނެ ކަމަށެވެ.
ރާއްޖެއިމް މި ބައްޔަށް ޕޮޒިޓިވްވި މީހުންގެ އަދަދު މިހާރު ވަނީ 11،962 އަށް އަރާފައެވެ.
ކޮވިޑްގެ އެކްޓިވް ކޭސްތަކުގެ ގޮތުގައި މިހާރު އުޅެނީ 850 ކޭސް އެވެ. މި ބަލިން 11،066 މީހުން ރަނގަޅުވެފައިވާއިރު ހޮސްޕިޓަލުގައި ފަރުވާ ދެމުންދަނީ 50 މީހަކަށެވެ. މި ބަލީގައި 39 މީހަކު ވަނީ ނިޔާވެފައެވެ.