ޓޫރިޒަމް މިނިސްޓްރީގެ ޕާމަނަންޓް ސެކްރެޓަރީ (ޕީއެސް) ގެ މަގާމަށް ބޭފުޅަކު ހޯދައން މިއަދު އިއުލާނުކޮށްފި އެވެ.
ސިވިލް ސާވިސް ކޮމިޝަން (ސީއެސްސީ) ކުރި އިއުލާނުގައި ބުނީ ޕީއެސްގެ މަގާމަށް ޝަރުތު ހަމަވާ ބޭފުޅުން މި މަހުގެ 19 ވަނަ ދުވަހުގެ ކުރިން ސީއެސްސީއަށް ހުށަހެޅުމަށް އެދޭ ކަމަށެވެ.
ޕީއެސްއެއް ހޯދަން އިއުލާނުކޮށްފައިވަނީ މިހާތަނަށް އެ މަގާމުގައި ހުންނެވި އައިޝަތު ސޫޒަން ހަނީފް މަގާމުން އިސްތިއުފާ ދެއްވުމާ ގުޅިގެންނެވެ.
ޕީއެސްއަކަށް މުސާރައިގެ ގޮތުގައި ކޮންމެ މަހަކު 20،500ރ. އަދި ލިވިން އެލަވަންސްގެ ގޮތުގައި މަހަކު 15،000ރ. ލިބޭނެ އެވެ.