ކުރީގެ ރައީސް އަބްދުﷲ ޔާމީން ކުރެއްވި ގައުމު އާރާސްތު ކަމަށާއި ނަމަވެސް މިހާރުގެ ރައީސް އިބްރާހިމް މުހައްމަދު ސޯލިހު ކުރުވީ ގައުމާއި ރައްޔިތުން ނިކަމެތި ކަމަށް ނައިފަރު ދާއިރާގެ މެމްބަރު އަދި ޕީޕީއެމްގެ ނައިބް ރައީސް އަހުމަދު ޝިޔާމް ވިދާޅުވެއްޖެއެވެ.
ޝިޔާމް މިއަދު ކުރެއްވި ޓްވީޓެއްގައި ވިދާޅުވީ ރައީސް ޔާމީން އަމާޒު ހިތްޕެވީ ސަރަހައްދުގެ އެންމެ ފުދުންތެރި ގައުމަކަށް ރާއްޖެ ހައްދަވަން ކަމަށާއި ހިފެހެއްޓެވީ އިސްލާމީ ރިވެތި އުސޫލުތައް ކަމަށެވެ. އަދި ޔަގީން ކުރެއްވި ގައުމުގެ މިނިވަން ކަމަށާއި އިސްތިގުލާލު ކަމަށް ޝިޔާމް ވިދާޅުވިއެވެ.
“ރައީސް ސޯލިހު ކުރުވީ ގައުމާއި ރައްޔިތުން ނިކަމެތި. ގެއްލުވާލީ ވެރިކަމުން ޖުމްހޫރިއްޔަތުގެ ސިފަ.” ޝިޔާމް ވިދާޅުވިއެވެ.
RY kurevvee qaumu aaraasthu. Amaaz hippevee sarahahdhuge emme fudhuntheri qaumakah Raajje hahdhavan. Hifehettevee Islaamee rivethi usoolthah.Yageen kurevvee qaumuge minivan kamaa isthiqlaal. RIMS kuruvee qaumaai rayyithun nikamethi. Gelluvaalee verikamun jumhooriyyathuge sifa.
— Ahmed Shiyam (@Shiyamaldives) November 11, 2020
ޝިޔާމް މިހެން ވިދާޅުވިއިރު މި ގައުމުގެ މިނިވަންކަން ސަރުކާރުން ބޭރު ގައުމަކަށް ވިއްކާލާފައިވާ ކަމަށް ބުނެ އިދިކޮޅުން އަންނަނީ ސަރުކާރަށް ތަފާތު އެކި ތުހުމަތުތަށްކޮށް ފާޑުކިޔުންތައް އަމާޒުކުރަމުންނެވެ. ނަމަވެސް އެ ތުހުމަތުތައް ސަރުކާރުން އަންނަނީ ތަކުރާރުކޮށް ދޮގު ކުރަމުންނެވެ.
އެގޮތުން ޖުމްހޫރީ ދުވަހުގެ މުނާސަބަތުގައި، ދިވެހި ޤައުމާ މުޚާޠަބު ކުރައްވައި ދެއްކެވި ވާހަކަފުޅުގައި ރައީސް ސޯލިހު މިއަދު ވިދާޅުވީ ރައީސްކަމުގެ މަގާމުގައި ހުންނެވިހާ ދުވަހަކު، އެންމެ ބޮޑު ސަމާލުކަމެއް ދެއްވާނީ ދިވެހިންގެ ދީނީ އެއްބައިވަންތަކަން ޙިމާޔަތްކުރުމާއި، ރާއްޖޭގެ މިނިވަންކަމާއި ސިޔާދަތު ކަށަވަރުކުރުމަށް ކަމަށެވެ.
advertisment