ދޯންޏަކަށް އެރި މީހަކަށް ވައްކަމުގެ ތުހުމަތުކޮށް، އޭނާއަށް ބޮޑެތި އަނިޔާތަކެއް ކުރި މައްސަލައެއް ފުލުހުން ބަލަންނ ފަށައިފިއެވެ.
ފުލުހުން ވިދާޅުވީ މިދިޔަ ބުރާސްފަތި ދުވަހުގެރޭ 7:30 ހާއިރު ހުޅުމާލެ ކަންނެލި ޖެޓީގައި އޮތް ދޯންޏަކަށް މީހަކު އެރި ކަމަށް ބުނެ އެމީހާ އަށް އަނިޔާ ކުރި މައްސަލައެއް ފުލުހުން ތަހުގީގު ކުރަމުން އަންނަ ކަމަށެވެ.
އެކަމަކު، އެކަމާ ގުޅޭ އިތުރު ތަފްސީލެއް ފުލުހުން ނުދެއެވެ.
އެމީހާއަށް އައނިޔާކުރިތަން ދައްކުވައިދޭ ވީޑިއޯއެއް ސޯސަލް މީޑިއާގައިދަނީ ދައުރުވަމުންނެވެ.
މީސް މީޑިއާގައި އާންމު ކުރި ވީޑިއޯއެއްގައި ވަނީ ޒުވާނާގެ އަތް ފައި ބަނދެ، ދޯނީގެ ތައްޓު މައްޗަށް ވައްޓާލައި ފަސް ވަރަކަށް މީހުން ވެގެން އަނިޔާ ކުރާ ތަނެވެ.
އެ މީހާ އަށް ކުރި އަނިޔާތަކާ އެކު އާންމުން ވަނީ ވަރަށް ބޮޑަށް ހިތްހަމަ ނުޖެހުން ފާޅުކޮށްފައެވެ.