ހެލްތު މިނިސްޓަރު އަހުމަދު ނަސީމަށް ރައްޔިތުންގެ މަޖިލީހުން މިއަދު ރުހުން ދޭން ނިންމައިފިއެވެ.
މިއަދު އެކަމާ ގުޅިގެން މަޖިލީހުގައި ނެގުނު ވޯޓުގައި ނަސީމަށް ރުހުން ދޭން ފެންނަ ކަމަށް 66 މެމްބަރުން ވޯޓު ދެއްވިއެވެ.
ރުހުން ދޭން ނުފެންނަ ކަމަށް އެއްވެސް މެމްބަރަކު ވޯޓު ދެއްވާފައެއް ނުވެއެވެ.
ހެލްތު މިނިސްޓަރު ކަމުގެ މަގާމު ހުސްވީ އެ މަގާމުގައި ހުންނެވި އަބްދުﷲ އަމީން މަގާމުން އިސްތިއުފާ ދެއްވުމުންނެވެ.
އެގޮތުން އެ މަގާމަށް ނަސީމް އައްޔަން ކުރެއްވީ މިދިޔަ މަހުގެ 22 ވަނަ ދުވަހުއެވެ.