ޑޮނަލްޑް ޓްރަމްޕް ވެރިކަމުގެ ބާރުތައް އިންތިޚާބީ ރައީސް ޖޯ ބައިޑެން އާއި ހަވާލު ކުރުމުގެ އިންތިޒާމްތައް ހަމަޖައްސަން އަންގައިފިއެވެ.
ނަމަވެސް އިންތިޚާބުގައި ހަދާފައިވާ ގޯސްތަކާއި، އޮޅުވާލުންތައް ސާބިތު ކުރުމަށް ކުރަން ޖެހޭ މަސައްކަތް ކުރާނެކަމަށް ޓްރަމްޕް ވަނީ މިއަދު ވެސް ބުނެފައެވެ.
ޓްރަމްޕް މިހާރު ވަނީ ބައިޑެން އާއި ވެރިކަމުގެ ބާރުތައް ހަވާލު ކުރުމަށް ޖެނެރަލް ސާވިސް އެޑްމިނިސްޓްރޭޝަންގެ އިސްވެރިޔާ އެމިލީ މާފީ އަރިހު ދަންނަވާފައެވެ.
ވެރިކަމުގެ ބާރުތައް ބައިޑެން އާއި ހަވާލު ކުރުމުގެ ކަންކަން ފެށުމާއި އެކު ވޮޝިންޓަނުން ބައިޑެން އާއި އިންތިޚާބީ ނައިބު ރައީސް ކަމަލާ ހެރިސް އަށް ހާއްސަ އޮފީހެއް އެމެރިކާ ސަރުކާރު ހަމަޖައްސައިދޭނެއެވެ.