ގުރްއާން އަޑުއިވުމުން ޝައިޠާނާއަށް އުނދަގޫވާނެކަމަށް ވިދާޅުވެ އަލީ ރަމީޒް ރައްޔިތުންގެ މަޖިލީހުގެ ރައީސް މުހައްމަދު ނަޝީީދަށް ނުސީދާ ރައްދެއް ދެއްވައިފިއެވެ.
އަލީ ރަމީޒް މިހެން ވިދާޅުވީ ރައްޔިތުންގެ މަޖިލީހުގައި ސައްހަކަން ކަށަވަރު ނުވާ ގޮތަށް ގުރުއާން ވިދާޅުނުވުމަށް ނަޝީދު، މަޖިލީހުގެ މެމްބަރުންގެ ކިބައިން މިއަދު އެދިވަޑައިގެންނެވުމާ ގުޅިގެންނެވެ.
ރައީސް ނަޝީދުގެ މިވާހަކަފުޅުތަކާއި ގުޅިގެން ޢަލީ ރަމީޒް ވިދާޅުވީ ޤުރުއާން އަޑުއިވުނީމަ ޝައިޠާނާއަށް އުނދަގޫވާނެކަމަށެވެ.
Quran ge adu ivuneema, shaithaanaa ah undhagoo vaane eve.
— Ali Rameez (@aliramyz) November 24, 2020
ހޯމް މިނިސްޓަރު އިމްރާން އަބްދުﷲ ގެ އިތުބާރު ނެތްކަމުގެ މައްސަލައިގެ ބަހުސް މަރުހަލާގައި މަޖިލީހުގެ މައިނޯރިޓީ ލީޑަރު އަދި އޭދަފުށީ ދާއިރާގެ މެމްބަރު އަހުމަދު ސަލީމް ގުރްއާނުގެ އާޔަތެއް ވިދާޅުވެ އޭގެ މާނަ ވިދާޅުވާން ފެއްޓެވުމުން ނަޝީދު ވަނީ އޭނާގެ ވާހަކަ ހުއްޓުވައި މަޖިލީހުގައި އާޔަތްތައް ވިދާޅުވާ އިރު ކުރިން ވެސް ސައްހަ ނޫން ގޮތަށް ބައެއް ފަހަރު އާޔަތްތައް ވިދާޅުވާކަން ފާހަގަ ކުރައްވައިފއެވެ.
“އަޅުގަނޑު ގުރުއާން ހިތު ދަހެއް ނޫން އެހެންވީމަ މިތަނުގައި އަޅުގަނޑު ރިޔާސަތުގައި އިނދެ އިއްޒަތްތެރި މެމްބަރުން ގުރުއާނުގެ އާޔަތްތައް ވިދާޅުވަމުން ގެންދަވާއިރުގައި އަޅުގަނޑަށް އޭގެ ސައްހަކަން ކަށަވަރެއް ނުކުރެވޭ. އިއްޒަތްތެރި މެމްބަރުން، މިތަނުގެ ޝޭހުން މަދު ދީނީ އިލްމުވެރިންނެއް ނޫން އިއްޒަތްތެރި މެމްބަރުންނަކީ. އެހެންވީމަ އެ މަގަށް ވާހަކަ ގެންދަވާތީ މިހެން މިދެންނެވީ.” ނަޝީދު ވިދާޅުވިއެވެ.
ރައީސް ނަޝީދު އެހެން ވިދާޅުވުމުން ސަލީމް ވަނީ އެހެން ރައީސް ނަޝީދު ދެންނެވީ އެމަނިކުފާނުގެ ހިތުގައި ގުރުއާނާ މެދު ދެކެވަޑައިގަންނަވާ ގޮތުގެ ސަަބަބުން ކަމަށް ވިދާޅުވެފައެވެ.
One Response
ޢަލީ ރަމީޒު ތީ ހަމަ ފައްކާ ޝެއިޚެއް
ރޯނުބައިކޮށް ޤުރްއާން ކިޔުމަށް ވުރެ ނުކިޔުން ރަގަޅުވާނެ ކަމަށް ޤަބޫލު ކުރެވެނީ