ސިނަމާލެ ބުރިޖުގައި ކާރަކާއި ވޭނެއް ޖެހި އެކްސިޑެންޓެއް ހިނގައިފިއެވެ.
ފުލުހުން ބުނީ މި އެކްސިޑެންޓު ހިނގިކަމުގެ މައުލޫމާތު ލިބިފައިވަނީ މިއަދު ހަވީރު 17:38 ހާއިރު ކަމަށެވެ.
މި އެކްސިޑެންޓުގައި ކާރާއި ވޭން ދުއްވަން އިނީވެސް “އީ” ކެޓަގަރީގެ އެއްގަމު އުޅަނދު ދުއްވުމުގެ ލައިސަންސް އޮންނަ ދެ ފަރާތްކަމަށް ކަމަށާއި އެކްސިޑެންޓުގައި އެއްވެސް މީހަކަށް އަނިޔާ ނުވާ ކަމަށެވެ.
ނަމަވެސް ދެ ފަރާތުގެ ލައިސަންސްވެސް މުއްދަތު ހަމަވެފައިވާކަމަށް ފުލުހުން ބުނެއެވެ.
މި އެކްސިޑެންޓާއި ގުޅިގެން ބަލަން ޖެހޭ ކަންކަން ބަލައި މައްސަލަ އިތުރަށް ތަޙުޤީޤު ކުރަމުންދާކަމަށް ފުލުހުން ބުނެއެވެ.