މި މަހުގެ ފުރަތަމަ ހަތަރު ދުވަހު އެކަނިވެސް ރާއްޖެއަށް 6،000 އަށް ވުރެ ގިނަ ފަތުރުވެރިން އައިސްފިއެވެ.
ޓޫރިޒަމް މިނިސްޓްރީން އާންމުކޮށްފައިވާ ތަފާސް ހިސާބުތަކަށް ބަލާއިރު މި މަހުގެ އެއްވަނަ ދުވަހު 2،031 ފަތުރުވެރިން ރާއްޖެ އައިސްފައި ވާއިރު މި މަހުގެ ދެވަނަ ދުވަހު 1،455 ފަތުރުވެރިން، އަދި ތިންވަނަ ދުވަހު 1،604 ފަތުރުވެރިން އައިސްފައިވާއިރު އިއްޔެ 1،671 ފަތުރުވެރިން ރާއްޖެ އައިސްފައިވާ ކަމަށް ތަފާސް ހިސާބުތަކުން ދައްކައެވެ.
އެއާއެކު ބޯޑަރު ހުޅުވިފަހުން ރާއްޖެ އައި ފަތުރުވެރިންގެ އަދަދު ވަނީ 82,902 އަށް އަރާފައެވެ.
ބޯޑަރު ހުޅުވާލިފަހުން އެންމެ ގިނަ އަދަދެއްގެ ފަތުރުވެރިން ރަޝިއާއިން އައިސްފައިވާއިރު، ޑިސެމްބަރ 2 ވަނަ ދުވަހުގެ ނިޔަލަށް ރަޝިއާއިން 17,404 ފަތުރުވެރިން ވަނީ ރާއްޖެ އައިސްފައެވެ.