ރައީސް އަބްދުﷲ ޔާމީނަަށް ދައުވާ ކުރިޔަސް މި އަނިޔާވެރި ސަރުކާރުގެ ކުރިމަތީ ކުޑަކަކޫ މައްޗަށް ތިރިވެ ޑީލެއް ނުހައްދަވާނެ ކަމަށް ޕީއެންސީގެ ރައީސް އަބްދުއްރަހީމް އަބްދުﷲ ވިދާޅުވެއްޖެއެވެ.
ރައީސް ޔާމީން މައްޗަށް އުފުލާފައިވާ ދެ ދަޢުވާއެއްގެ އަޑުއެހުން މިއަދަށް ތާވަލް ކޮށްފައިވާއިރު، އިދިކޮޅުންވަނީ އެމަނިކުފާނުގެ އިސްތިޤުބާލަށް ދިއުމަށް ނިންމާފައެވެ.
އަދުރޭ ކުރެއްވި ޓްވީޓެއްގައި ވިދާޅުވީ ރައީސް ޔާމީނަށް މަތިމައްޗަށް ދަޢުވާ އުފުލިޔަސް މި އަނިޔާވެރި ސަރުކާރުގެ ކުރިމަތީ ކުޑަކަކޫ މައްޗަށް ތިރިވެ ޑީލެއް ނުހައްދަވާނެ ކަމަށެވެ.
“ދީނާ ގައުމުގެ ޙައްގުގައި ވަކާލާތު ކުރެއްވުން ހުއްޓައެއް ނުލައްވާނެ.ފިލާވަޑައެއް ނުގަންނަވާނެ. މާތްﷲ ރައީސް ޔާމީނަށް ކާމިޔާބު މިންވަރު ކުރައްވާށި. އާމީން” އަދުރޭ ވިދާޅުވިއެވެ.
ރައީސް ޔާމީނަށް މަތިމައްޗަށް ދަޢުވާ އުފުލިޔަސް މި އަނިޔާވެރި ސަރުކާރުގެ ކުރިމަތީ ކުޑަކަކޫ މައްޗަށް ތިރިވެ ޑީލެއް ނުހައްދަވާނެ.ދީނާ ގައުމުގެ ޙައްގުގައި ވަކާލާތު ކުރެއްވުން ހުއްޓައެއް ނުލައްވާނެ.ފިލާވަޑައެއް ނުގަންނަވާނެ.މާތް اللہ ރައީސް ޔާމީނަށް ކާމިޔާބު މިންވަރު ކުރައްވާށި.އާމީން pic.twitter.com/OLGKuoU8gZ
— Abdul Raheem Abdulla (@Banafsaa) December 5, 2020
ރައީސް ޔާމީންގެ މައްޗަށް ދައުލަތުން އަލަށް އުފުލާފައިވާ ދެ ދަޢުވާއަކީ މަނީ ލޯންޑަރިންގެ އިތުރަށް ރަޝްވަތު ޤަބޫލުކުރި ކަމުގެ ތުހުމަތުގައި އުފުލާފައިވާ ދެ ދަޢުވާއެވެ. މި ދެ ދަޢުވާގެ ޝަރީޢަތް ފަށައި އަޑުއެހުންތައް ތާވަލުކޮށްގެން ކުރިއަށް ގެންދާއިރު ކުރިމިނަލް ކޯޓުން އެމަނިކުފާނުގެ މައްޗަށް އިއްވާފައިވާ ފަސް އަހަރުގެ ޖަލު ހުކުމް އެމަނިކުފާނުގެ ފަރާތްޕުޅުން ހައިކޯޓުގައި އިސްތިއުނާފުކޮށް އެ މައްސަލައިގެ ހުރިހާ އަޑުއެހުމެއް ނިމުނުތާ ތިން މަސް ފާއިތުވެގެން ގޮސްފައިވާތީ އިދިކޮޅު ވަނީ ކަންބޮޑުވުން ފާޅުކޮށްފައިވެއެވެ.
advertisment