ފުލުހުންގެ ބިލުގެ ބޭނުމަކީ ފުރުޞަތުގެ ބޭނުންކޮށް ފުލުހުން ނިކަމެތިކޮށް ލަދުގަންނަވާލުން ކަމަށް ކުރީގެ ނައިބު ރައީސް ޑރ. މުހައްމަދު ޖަމީލް އަހުމަދު ވިދާޅުވެއްޖެއެވެ.
ޖަމީލް ކުރެއްވި ޓްވީޓެއްގައި ވިދާޅުވީ އެމްޑީޕީގެ ލީޑަޝިޕްގައި އެއްވެސް ބަޔަކަށް ރައްކާތެރިކަމެއް ނެތް ކަމަށެވެ.
“ފުލުހުންގެ ބިލުގައި ފުލުހުންނާ ޒާތީ ނަފްރަތު އޮވެ، ފުރުޞަތުގެ ބޭނުންކޮށް ފުލުހުން ނިކަމެތިކޮށް ލަދުގަންނަވާލަނީ! އިރާދަކުރެއްވިއްޔާ ފުލުހުންގެ ޙައްޤު އަޅުގަނޑުމެން ހޯދައިދޭނަން.” ޖަމީލް ވިދާޅުވިއެވެ.
އެމްޑީޕީގެ ލީޑަޝިޕްގައި އެއްވެސް ބަޔަކަށް ރައްކާތެރިކަމެއް ނެތް. ފުލުހުންގެ ޤާނޫނުގެ އިޞްލާޙްތައް ޤާނޫނުއަސާސީއާ ފުށުއަރާ. ފުލުހުންނާ ޒާތީ ނަފްރަތު އޮވެ، ފުރުޞަތުގެ ބޭނުންކޮށް ފުލުހުން ނިކަމެތިކޮށް ލަދުގަންނަވާލަނީ!އިރާދަކުރެއްވިއްޔާ ފުލުހުންގެ ޙައްޤު އަޅުގަނޑުމެން ހޯދައިދޭނަން pic.twitter.com/RFW2htPVnC
— Mohamed Jameel Ahmed (@MJameelAhmed) December 7, 2020
ފުލުހުން ބިލުގައި ވާގޮތުން ޕޮލިސް ބޯޑް އެކުލަވާލާތާ ހަތަރު މަސް ދުވަހުގެ ތެރޭގައި ޕޮލިސް ކޮމިޝަނަރު ފިޔަވާ ސުޕްރިޓެންޓެންޑުން ފެށިގެން މަތީގެ ރޭންކުތަކުގައި ތިއްބެވި ފުލުހުންގެ އޮފިސަރުންގެ ތެރެއިން އެކި ތުހުމަތުތައް ކުރެވޭ އޮފިސަރުންގެ މައްސަލަ ބޯޑުން ބަލައި އެ ފަރާތްތައް މަގާމުގައި ބޭތިއްބުމާ މެދު އެ ބޯޑުން ގޮތެއް ނިންމަން ޖެހޭ ގޮތައް ބަދަލު ކުރެވޭނެއެވެ.
މިބިލު ޤާނޫނަކަށް ވެގެން ދިއުމާއިއެކު ފުލުހަކު ކުރާ އަމަލެއްގެ ސަބަބުން މީހަކަށް ގެއްލުމެއް ލިބިއްޖެނަމަ އެގެއްލުމުގެ ބަދަލު ފުލުހަކު ފަރުދީ ގޮތުން އަމިއްލަ އަށް ދޭން ޖެހުން ހިމެނެއެވެ.
advertisment