ރައީސް އިބްރާހިމް މުޙައްމަދު ސޯލިހް ގުޅުއްވައި ދެއްވި ހިތްވަރުން މަސްވެރިކަން ކުރި އަރުވަން ކުރާ މަސައްކަތުގައި އުއްމީދުތައް އާ ވެއްޖެކަމަށް ޒުވާން މަސްވެރިޔާ ހަސަން ސާޖިން ބުނެފިއެވެ.
ގއ. ގެމަނަފުއްޓަށް އުފަން އުމުރުން 22 އަހަރުގެ ސާޖިން އަކީ މަސްވެރިކަން ކުރިއަރުވާ ޕްރޮމޯޓްކޮށް ރާއްޖޭގެ މަސްވެރިކަން ދުނިޔެއަށް ދެއްކުމުގައި އިސްދައުރެއް އަދާކުރާ ޒުވާނެކެވެ.
އިއްޔެ ފާހަގަކުރި މަސްވެރިންގެ ދުވަހާ ގުޅިގެން ސާޖިން ކުރި ޓްވީޓެއްގައި ބުނެފައި ވަނީ މަސްވެރިކަން ޕްރޮމޯޓްކުރަން ކެމެރާ ނަގައިގެން އުޅޭތާ މިހާރު 6 އަހަރުވެއްޖެކަމަށެވެ. އަދި މަސްވެރިންގެ ދުވަހު އޭނާގެ އެންމެ ބޮޑު އެދުމަކީ ރައީސަށް ގުޅާ ހިތުގެ ޝޫއޫރު ފާޅުކޮށްލުންކަމަށެވެ.
އެއަށްފަހު ރޭގެ ވަގުތެއްގައި ސާޖިން ބުނެފައިވަނީ އެނާއަށް ރައީސް ސޯލިހު ގުޅުއްވާ ވަރަށް ގިނައިރު ވަންދެން ވާހަކަފުޅު ދެއްކެވިކަމަށެވެ.
“އަލްހަމްދުލިއްﷲ. ރައީސް އަޅުގަނޑަށް ގުޅާފަ ވަރަށް ގިނަ އިރު ވަންދެން ވާހަކަ ދައްކަވައިފި. ފާހަގަ ކޮށްލަން ވަރަށް އުފާވެއްޖެ އަދި އުންމީދު އާވެއްޖެ” ސާޖިން ބުންޏެވެ.
Miyadhu enme beynun vegen ulhunee hithuge shooru Raees @ibusolih ah gulhaafa hihsaa kohlan. Alhamdulillah Raees alhugadah gulhaafa varah ginairu vandhen vaahaka dhahkavaafi. Faahaga kohlan varah ufaa vehje adhi ummeedhu aa vehje.????????????❤️???? pic.twitter.com/4EFlyyfPEC
— ???????????????????????? ???????????????????????????????????? ???????????? (@ZuvaanMasveriya) December 10, 2020
މަސްވެރިކަން ކުރިއަރުވާ ޕްރޮމޯޓްކޮށް ރާއްޖޭގެ މަސްވެރިކަން ދުނިޔެއަށް ދެއްކުމުގައި އިސްދައުރެއް އަދާކުރާ ސާޖިން ބުނާ ގޮތުގައި މަސްވެރިކަމަކީ ހަޑި މަސައްކަތެއް ނޫނެވެ. ސާޖިން ދަނީ ކޮންމެ ދުވަހަކު ސޯސަލް މީޑިއާ މެދުވެރިކޮށް އެކަން ސާބިތުކޮށްދެމުންނެވެ. އަދި އޭނާ ގެންގުޅޭ ފަހުގެ ޓެކްނޮލޮޖީގެ ވަސީލަތްތައް ބޭނުން ކޮށްގެން އަންނަނީ ރާއްޖޭގެ މަސްވެރިކަން ރާއްޖޭއާއި މުޅި ދުނިޔެއަށް އިސްތިހާރުކުރަމުންނެވެ.