ބޯޑަރު ހުޅުވާލިފަހުން ރާއްޖެ ޒިޔާރަތްކުރާ އެއްލައްކަ ވަނަ ފަތުވެރިޔާ މާދަމާ ރާއްޖެ އަންނާނެކަމަށް ޓޫރިޒަމް މިނިސްޓަރ އަބްދުﷲ މައުސޫމް ވިދާޅުވެއްޖެއެވެ.
ބޯޑަރު އަލުން ހުޅުވާލާފައި ވަނީ ޖުލައި މަހުގެ 15 ވަނަ ދުވަހުއެވެ. އެ ދުވަހުން ފެށިގެން ޑިސެމްބަރުގެ 9 ވަނަ ދުވަހާ ހަމައަށް 94،543 ފަތުރުވެރިން ވަނީ ރާއްޖެއަށް ޒިޔާރަތްކޮށްފައެވެ.
މިނިސްޓަރު މައުސޫމް މިއަދު ކުރެއްވި ޓުވީޓެއްގައި ވިދާޅުވީ މާދަމާއަކީ ރާއްޖޭގެ ފަތުރުވެރިކަމުގައި ތާރީހީ ދުވަހަކަށް ވާނެ ކަމަށެވެ.
“ބޯޑަރު އަލުން ހުޅުވިފަހުން އަންނަ އެއްލައްކަވަނަ ފަތުރުވެރިޔާއަށް މާދަމާ ހެނދުނު އަޅުގަނޑުމެން މަރުހަބާ ކިޔާނަން،” މިނިސްޓަރު ވިދާޅުވިއެވެ.
Insha Allah, tomorrow will be a historical day in #Maldives #tourism. In the morning of 12.12. 2020 we shall celebrate the arrival of 100,000th (One Hundred Thousandth) tourist since we reopened our borders. A milestone reached. Alhmadh Lillah. Thank you all.#TogetherWeCan
— Abdulla Mausoom (@Mausoom_Maus) December 11, 2020
މިނިސްޓަރު މައުސޫމް މިހެން ވިދާޅުވިއިރު، މިމަހުގެ 16 ވަނަ ދުވަހުގެ ކުރިން އެއް ލައްކަ ވަނަ ފަތުރުވެރިޔާ ރާއްޖެ އަންނާނެކަމަށް ސަރުކާރުން ވަނީ ކުރިން ލަފާކޮށްފައެވެ. އަދި ޑިސެމްބަރ މަހުގެ 25 ވަނަ ދުވަހުގެ ނިޔަލަށް މިއަހަރު ރާއްޖެއަށް ޒިޔާރަތްކުރި ޖުމްލަ ފަތުރުވެރިންގެ އަދަދު 5 ލައްކައަށް އެރުވުމަށް މަސައްކަތް ކުރަމުންދާކަމަށްވެސް ސަރުކާރުން ބުނެއެވެ.
advertisment