ޕާސްޕޯޓު ހިފެހެއްޓީ ފުރަން ގޮސް ހުއްޓާ ނޫން ކަމަށް ވިލިމާލެ ދާއިރާގެ ކުރީގެ މެމްބަރު އަހުމަދު ނިހާން ވިދާޅުވެއްޖެއެވެ.
ނިހާން ފުރުން މަނާކޮށްފައިވާ ކަމަށް ފުލުހުންވެސް ވަނީ ޔަގީންކޮށްދީފައެވެ. ފުލުހުން ބުނީ އެމްއެމްޕީއާރުސީގެ ބޮޑު ހިޔާނާތާއި ގުޅުންހުރި މައްސަލައެއްގައި ނިހާން ފުރުން މަނާކޮށްފައިވާ ކަމަށެވެ.
ނިހާންގެ ޕާސްޕޯޓް ހިފަހައްޓާފައިވަނީ އޭނާ ފުރައިގެން ބޭރަށް ދާން އުޅޭތީ ކަމަށް އަޑުފެތުރުނު ނަަމަވެސް އެ ވާހަކަތައް އޭނާ ވަނީ ދޮގުކޮށްފައެވެ.
ނިހާން ވިދާޅުވީ މިއަހަރު ފެށުނު ފަހުން ރާއްޖެއިން ބޭރުގެ އެއްވެސް ތަނަކަށް ދާން، އެންމެ ކުޑަމިނުން ހިތަށް ވެސް ނާރުވާ ކަމަށެވެ. އަދި އެއްވެސް އެއާލައިނަކުން ކުޑަމިނުން ރިޒަވޭޝަނެއްހާ ހިސާބު ވެސް ހައްދާފައި ނުވާނެ ކަމަށް ނިހާން ވިދާޅުވިއެވެ.
“ދެން ކިހިނެތް އެއާޕޯޓަށް ދާނީ ފުރަން؟ ފްރޭމްކޮށް އަގުވައްޓާލަން އުޅުނަސް ބޮޑުވަރު” ނިހާން ވިދާޅުވިއެވެ.
އަޅުގަނޑުގެ ޕާސްޕޯޓް ހިފެހެއްޓީ ފުރަން އެއަރޕޯޓަށް ގޮސް ހުއްޓާކަމަށް ބައެއް ނޫސްތަކުގައި ލިޔަމުންދަނީ އެއްވެސް ހަޤީޤަތެއް ނެތިއެވެ. އަޅުގަނޑުގެ ދަރިފުޅުގެ ޓިކެޓެއް ޑޭޓް އެކްސްޓެންޑް ކުރަން އިއްޔެ މެންދުރު ޤަތަރު އެއަރލައިން އޮފީހަށް ދިޔުމުން އަޅުގަނޑު ފިލަން އުޅުނުކަމަށް މިވީ! ????
— Ahmed Nihan (@ahmed_nihan) December 15, 2020
ނިހާންގެ ޕާސްޕޯޓު ހިފެހެއްޓިއިރު އެމްއެމްޕީއާރްސީ ހިޔާނާތާއި ގުޅިގެން މިދިޔަ އޮކްޓޫބަރު މަހު އޭނާ ވަނީ އެސެޓް ރިކަވަރީ ކޮމިޝަނަށް ހާޒިރުކޮށް ސުވާލުކޮށްފައެވެ.
advertisment