ދުބާއީގެ އެގްޒެކިއުޓާސް ޖެނެރަލް ޓްރޭޑިންއިން ރާއްޖެ ގެންނަ ޖެހޭ ބާކީ 65 ވެންޓިލޭޓަރުގެ ތެރެއިން އިތުރު ފަސް ވެންޓިލޭޓަރު ރާއްޖެ ގެނެސްފިއެވެ.
އެ ވެންޓިލޭޓަރުތަކަކީ ހެލްތު މިނިސްޓްރީން ގެންނަން އެދުނު ވައްތަރުގެ ވެންޓިލޭޓަރުތައްތޯ ބަލާނެ ކަމަށް އެ މިނިސްޓްރީން ބުނެއެވެ.
މިދިޔަ މެއި މަހުގެ ތެރޭގައި ރާއްޖެއަށް 75 ވެންޓިލޭޓަރު ގެންނަން ދުބާއީ ކުންފުންޏާ ހަވާލުކުރީ 34 މިލިއަން ރުފިޔާ އަށެވެ. އަދި ސަރުކާރުން ވަނީ އެޑްވާންސަށް 30.9 މިލިއަން ރުފިޔާ އެ ކުންފުންޏަށް ދައްކާފައެވެ.