ދުބާއީގެ އެގްޒެކިއުޓާސް ޖެނެރަލް ޓްރޭޑިންއާ ހަވާލުކުރި 75 ވެންޓިލޭޓަރުގެ ތެރެއިން އިތުރު ފަސް ވެންޓިލޭޓަރު ރާއްޖެ ގެނެސްފައިވާ ކަމަށް ހެލްތު މިނިސްޓްރީން ހާމަކޮށްފިއެވެ.
އެގްޒެކިއުޓާސްއާ ހަވާލު ކުރި ވެންޓިލޭޓަރުގެ ތެރެއިން މިހާތަނަށް 15 ވެންޓިލޭޓަރު ވަނީ ލިބިފައެވެ.
މި ވެންޓިލޭޓަރުތަކަކީ ހެލްތު މިނިސްޓްރީއާ އެކު ވެފައިވާ އެއްބަސްވުމާއި އެއްގޮތަށް އެ ކުންފުނިން ކުރިން ރާއްޖެ ފޮނުވި، ވެންޓިލޭޓަރުގެ ފެންވަރު ދަށްވެ، އެ ވެންޓިލޭޓަރުތައް ބަލައިނުގަންނަން، ޑޮކްޓަރުންނާއި ނަރުހުން އަދި ބަޔޯމެޑިކަލް އިންޖިނިއަރުންގެ ޓީމަކުން ނިންމާފައިވާތީ އެ ވެންޓިލޭޓަރުގެ ބަދަލުގައި ފޮނުވި ވެންޓިލޭޓަރުތަކެކެވެ.
“އެގްޒެކިއުޓާރޒް ޖެނެރަލް ޓްރޭޑިންގް” ކުންފުންޏާ ހަވާލުކޮށްގެން 75 ވެންޓިލޭޓަރު ގެނައުމާއި ގުޅޭ މައްސަލާގައި ދައުލަތުގެ މާލިއްޔަތު ގަވާއިދާ ހިލާފު އެތަކެއް ކަމެއް ކޮށްފައިވާކަން ވަނީ ފާހަގަކޮށްފައެވެ.
advertisment