އިންތިގާލީ އަދާލަތުގެ ބިލު ތަސްދީގު ކުރުމަކީ ކަށްވަޅު ކޮނުން ކަހަލަކަމެއް ކަމަށް ނައިފަރު ދާއިރާގެ މެމްބަރު އަހުމަދު ޝިޔާމް ވިދާޅުވެއްޖެއެވެ.
އިންތިގާލީ އިންސާފުގެ ގާނޫނަކީ، 1953 ޖަނަވަރީ 1 އިން ފެށިގެން 2018 ނޮވެންބަރު 17 އާ ދެމެދު ހިނގާދިޔަ މުއްދަތުގެ ތެރޭގައި ނިޒާމީ ސިފައެއްގައި ރޭވިގެން، ދައުލަތުގެ މުއައްސަސާއަކުން ނުވަތަ އެއިން ތަނެއްގެ އިސް ހިންގުންތެރިއަކު، ރައްޔިތުންގެ އިންސާނީ ޙައްޤުތަކާއި އަސާސީ މިނިވަންކަމާ ޚިލާފަށް ހިންގާފައިވާ ޢަމަލުތައް ބަލައި، ތަހުގީގުކޮށް، ޙަގީގަތް ހާމަކޮށް، އެފަދަ ކަންކަމުގެ ސަބަބުން އަނިޔާ ލިބިފައިވާ ފަރާތްތަކަށް މި ޤާނޫނުގެ ދަށުން ފޯރުކޮށްދޭ ޙައްލުތައް މެދުވެރިކޮށް އިންސާފު ހޯދައިދިނުމުގެ ނިޒާމެއް އެކަށައެޅުމުގެ ޤާނޫނެވެ.
މިބިލު ރައީސުލްޖުމްހޫރިއްޔާ އިއްޔެ ތަސްދީގު ކުރެއްވުމާއި ގުޅިގެން ޝިޔާމް ކުރެއްވި ޓްވީޓެއްގައި ވިދާޅުވީ ރައްޔިތުންގެ މަޖިލީހުގެ ތެރެއިން ސަރުކާރު ހިންގާ އެމްޑީޕީން ކުރަމުންދާ މަސައްކަތުގެ ޚާއްސަކޮށް ހުށަހަޅަމުންދާ ބިލުގެ 45 ޕަސެންޓަކީ ޤާނޫނު އަސާސީއާއި ތަޢާރަޒުވާ ބިލުތަކެއް ކަމަށެވެ.
“ގިނަ ބިލްތަކުގައި ވަނީ ބަދަލު ހިފުމުގެ ރޫހު. އިންތިޤާލީ އަދާލަތުގެ ބިލް ތަސްދީޤު ކުރުމަކީ ކަށްވަޅު ކޮނުން ކަހަލަ ކަމެއް. ފިތުނަ ފަސާދަ އުފެދި އިޖުތިމާއީ ހަމަޖެހުން ގެއްލިގެންދާނެ ބިލެއް.” ޝިޔާމް ވިދާޅުވިއެވެ.
Mi Sarukaarun Majileehah fonuvi 45% bill QA aa tha'aruzuvey. Adhi gina bill thakugai vanee badhaluhifumuge roohu. Inthiqaalee Adhaalathuge bill thasdheeq kurumakee kavvalhu konun kahala kameh. Fithuna fasadha ufedhi ijthimaaee hamajehun gellidhaane bileh. https://t.co/BOat7ere6V
— Ahmed Shiyam (@Shiyamaldives) December 18, 2020