ފަސް އަހަރުގެ ޖަލު ހުކުމެއް ތަންފީޒު ކުރަމުންދާ ކުރީގެ ރައީސް އަބްދުﷲ ޔާމީނަކީ މި ސަރުކާރާއެކު ޑީލް ހަދާނެ ބޭފުޅެއްނޫން ކަމަށާއި ގައުމު ދޫކުރައްވާ ފިއްލަވާނެ ބޭފުޅެއްވެސް ނޫން ކަމަށް އިދިކޮޅު ޕީއެންސީގެ ރައީސް އަބްދުއްރަހީމް އަބްދުﷲ ވިދާޅުވެއްޖެއެވެ.
އަދުރޭ މިހެން ވިދާޅުވީ ސަރުކާރާ އެކު “ޑީލެއް” ހަދައިގެން ޖަލުން ސަލާމަތްވާން ރައީސް ޔާމީން ބޭނުންފުޅުނުވިކަން މިއަދު ރައްޔިތުން މަޖިލީހުގެ ރައީސް މުހައްމަދު ނަޝީދު ވިދާޅުވުމާ ގުޅިގެންނެވެ.
ނަޝީދަށް ރައްދު ދެއްވައި އަދުރޭ ކުރެއްވި ޓްވީޓެއްގައި ވިދާޅުވީ ރައީސް ޔާމީނަކީ މި އަނިޔާވެރި ސަރުކާރާއެކު ޑީލް ހައްދަވާނެ ބޭފުޅެއްނޫން ކަމަށާއި ގައުމު ދޫކުރައްވާ ފިއްލަވާނެ ބޭފުޅެއްވެސްނޫން ކަމަށެވެ.
“ކަންކަމާ ކުރިމަތި ލުމުގެ ހިތްވަރު ރައީސް ޔާމީނުގެ ހުންނާނެ. އިރާދަ ކުރެއްވިއްޔާ ރައީސް ޔާމީނަކީ ކުށެއްނެތް މައުސޫމު ބޭފުޅެއްކަން ރައްޔިތުންނަށް ސާބިތުވެގެންދާނެ.” އަދުރޭ ވިދާޅުވިއެވެ.
ރައީސް ޔާމީނަކީ މި އަނިޔާވެރި ސަރުކާރާއެކު ޑީލް ހައްދަވާނެ ބޭފުޅެއްނޫން. ގައުމު ދޫކުރައްވާ ފިއްލަވާނެ ބޭފުޅެއްވެސްނޫން.ކަންކަމާ ކުރިމަތި ލުމުގެ ހިތްވަރު ރައީސް ޔާމީނުގެ ހުންނާނެ.އިރާދަ ކުރެއްވިއްޔާ ރައީސް ޔާމީނަކީ ކުށެއްނެތް މައުސޫމު ބޭފުޅެއްކަން ރައްޔިތުންނަށް ސާބިތުވެގެންދާނެ. pic.twitter.com/qEuAXS2TgU
— Abdul Raheem Abdulla (@Banafsaa) December 18, 2020
މިއަދު ހަވީރު ބޭއްވެވި ނޫސްވެރިންގެ ބައްދަލުވުމެއްގައި ރައީސް ނަޝީދު ވިދާޅުވީ ރައީސް ޔާމީނަށް މިނިވަންވެވަޑައިގަތުމުގެ ފުރުޞަތު ލިބިވަޑައިގަތުމުން އެ ފުރުޞަތު ބޭނުންނުކުރެއްވި ކަމަށެވެ. ރައީސް ނަޝީދު ޖަލަށް ލުމުން މިނިވަން ވާން ފުރުސަތު ލިބުމުން އެފުރުސަތުގެ ބޭނުން ހިތްޕެވިކަމަށް ރައީސް ނަޝީދު ވިދާޅުވިއެވެ.
ރައީސް ނަޝީދު ވިދާޅުވީ، ރައީސް ޔާމީން ހައްޔަރުކޮށްފައި ވަނީ އެމަނިކުފާނައި ގުޅުމެއް އޮވެގެން ނޫން ކަމަށެވެ.
advertisment