ގއ.މާނަގަލާ ކައިރިއަށް ގެނބިގެން ހާލު ދެރަވި އުމުރުން 13 އަހަރުގެ ކުއްޖަކަށް ސިފައިން އެހީތެރިކަން އެހީތެރިކަން ފޯރުކޮށްދީފިއެވެ.
މި ހާދިސާގެ ރިޕޯޓު ލިބިފައިވަނީ މިއަދު މެންދުރު 13:53 ހާއިރު ކަމަށް އެމްއެންޑީއެފުން ބުނެއެވެ.
އެމްއެންޑީއެފުން ބުނީ އެ ކުއްޖާ އަވަސް ފަރުވާ އަށް އެމްއެންޑީއެފް ސަދަން އޭރިއާ ކޯސްޓްގާޑު ސްކޮޑްރަންގެ އެހީތެރިކަމާއެކު ގއ.އަތޮޅު ހޮސްޕިޓަލަށް ގެންގޮސްދީފައިވާ ކަމަށެވެ.
އެ ކުއްޖާ ހޮސްޕިޓަލަށް ގެންދެވުނީ ނޭވާލާން އުނދަގޫވާތީ އިތުރު އަވަސް ފަރުވާ އަށް ކަމަށާއި މި ކުއްޖާ ގެނބެމުން ދަނިކޮށް ސަލާމަތް ކުރީ އެ ކުއްޖާގެ އާއިލާގެ މީހަކު ކަމަށް އެމްއެންޑީއެފުން ހާމަކުރެއެވެ.
advertisment