ފަތުރުވެރިންނަށް ޙިދުމަތް ދޭ ތަންތަނުން ގައިޑްލައިންތަކަށް ސަމާލުކަން ދިނުމަށް ޓުއަރިޒަމް މިނިސްޓްރީން އިލްތިމާސްކޮށްފިއެވެ.
މިގޮތަށް މިނިސްޓްރީން އިލްތިމާސްކޮށްފައި މިވަނީ، އިނގިރޭސީވިލާތުގައި ކޮވިޑް-19ގެ އާ ސްޓްރެއިންއެއް ފެތުރެމުންދާކަމުގެ މައުލޫމާތު ލިބިފައިވާކަމަށް އެޗްއީއޯސީން ބުނެފައިވަނިކޮށެވެ.
ފަތުރުވެރިންނަށް ޙިދުމަތްދޭ ތަންތަނަށް ފޮނުވި ސާކިއުލާއްގައި ވަނީ ފަތުރުވެރިންނަށް ޙިދުމަތްދޭ ތަންތަނުގައި ހެދިފައިވާ އިމަޖަންސީ ޕްލޭންތަކަކަކީ ކޮންމެ ވަގުތަކުވެސް ތަންފީޒުކުރެވޭ ޕްލޭންތަކެއްކަން ކަށަވަރުކުރަން ޖެހޭ ކަމަށެވެ.
މީގެ އިތުރުން ފަތުރުވެރިންނާއި އެތަންތަނުގެ މުވައްޒަފުން މޫދުގައި އުޅޭއިރު، އިތުރަށް ސަމާލުކަން ދިނުމަށް ޓުއަރިޒަމް މިނިސްޓްރީން ވަނީ އިލްތިމާސްކޮށްފައެވެ. އަދި ހަމައެއާއެކު އެޗްޕީއޭ އަދި ޓުއަރިޒަމް މިނިސްޓްރީން ކަނޑައަޅާފައިވާ ޕްރޮޓޮކޯލްތަކާއި ގައިޑްލައިންތައް ފުރިހަމައަށް ތަންފީޒުކުރުމަށް އަހަމިއްޔަތުކަން ދިނުމަށް މިނިސްޓްރީން ވަނީ އިލްތިމާސް ކޮށްފައެެވެ.