ފުވައްމުލައް ސިޓީގެ ރިންގް ރޯޑު ތަރައްޤީކުރުމުގެ މަސައްކަތް ނިންމާލައިފިއެވެ.
އެމްޓީސީސީން ބުނީ މި މަޝްރޫއުގެ މަސައްކަތް ނިމިފައިވަނީ އިއްޔެ ކަމަށެވެ. މި ޕްރޮޖެކްޓަކަށް 37.19 މިލިއަން ރުފިޔާ ހަރަދުކޮށްފައިވެއެވެ.
މި މަޝްރޫއުގެ ދަށުން ފުވައްމުލަކު ރިންގް ރޯޑުގެ 20،650 އަކަމީޓަރުގެ ސަރަހައްދެއްގައި ތާރު އަޅައި ތަރައްގީކޮށްފައިވެއެވެ. ރިންގް ރޯޑުގައި ތާރު އެޅުމުގެ އިތުރުން ލެޑް ބައްތި ޖެހުމާއި ފެން ހިންދާ ނިޒާމު ތަރައްގީ ކުރުމުގެ މަސައްކަތް ވެސް ވަނީ ކޮށްފައެވެ.
މީގެ ކުރިން އެމްއާރުޑީސީއާ ހަވާލުކޮށްފައިވާ ފުވައްމުލަކު ވަށައިގެންވާ ރިންގް ރޯޑް އަދި އެތެރޭގެ މަގު ހެދުމުގެ މަސައްކަތް، މި ސަރުކާރުން އެމްޓީސީސީއާ ހަވާލުކޮށްފައި ވަނީ މިދިޔަ އަހަރުގެ އޭޕްރީލް މަހުގަ އެވެ.