ރައްޔިތުންގެ މަޖިލިސް ހުޅުވާ ފެބްރުއަރީ ހަތަރުވަނަ ދުވަހަކީ ބަންދު ދުވަހެއް ކަމަށް ރައީސް އިބްރާހިމް މުހައްމަދު ސޯލިހް ކަނޑައަޅުއްވައިފި އެވެ.
އެ ޖަލްސާގައި ރައީސް ސޯލިހް ރިޔާސީ ބަޔާން އިއްވަވާނެ އެވެ.
ރައްޔިތުންގެ މަޖިލީހުގެ ޖަލްސާތައް މިދިޔަ އަަހަރު ނިންމާލީ މިދިޔަ ޑިސެމްބަރު މަހުގެ ހަތްވަނަ ދުވަހު އެވެ.
ރައްޔިތުންގެ މަޖިލީހުގެ ގަވާއިދު ބުނާގޮތުން މަޖިލިސް ހިންގަމުންދާނީ ތިން ދައުރަކަށެވެ. މަޖިލީހުގެ ފުރަތަމަ ދައުރު ފެށޭނީ ފެބުރުއަރީ މަހުގެ ފުރަތަމަ ދުވަހުން ފެށިގެން އޭޕްރީލް މަހުގެ ނިޔަލަށެވެ.
މަޖިލީހުގެ މެންބަރުންނަށް ކޮންމެ އަހަރަކުވެސް ތިން މަސް ދުވަސް ޗުއްޓީގެ ގޮތުގައި ލިބެއެވެ.