ސުޕްރީމް ކޯޓުގެ ކުރީގެ ފަނޑިޔާރު މުޖްތާޒު ފަހުމީ ކޮވިޑަށް ފަރުވާ ދެމުން ދަނިކޮށް ރޭ ދަންވަރު އަވަހާރަވެއްޖެއެވެ.
ލ. ކޮވިޑު ފެސިލިޓީން މުޖްތާޒަށް ފަރުވާ ދެއްވަމުން ދަނިކޮށް ސިއްހީހާލުކޮޅު ދެރަވެގެން އިއްޔެގެ ވަގުތެއްގައި ވަނީ މާލެ ގެނެސް ދަރުމަވަންތަ ހޮސްޕިޓަލްގައި ފަރުވާ ދޭން ފަށާފައެވެ.
މުޖްތާޒު އަވަހާރަވެފައިވަނީ ރޭ ދަންވަރު 2 ޖަހާކަށް ހާއިރުއެވެ.
އުމުރުން 61 އަހަރުގައި މުޖްތާޒު އަވަހާރަވި އިރު އެމަނިކުފާނަކީ ރާއްޖޭގެ އިންތިގާލީ މަރުހަލާގައި ސްުޕްރީމް ކޯޓުގައި ފަނޑިޔާރުކަން ކުރެއްވި ބޭފުޅެކެވެ.
މުޖްތާޒުގެ ޖަނާޒާ މިއަދު 11:30 ގައި ހުޅުމާލެ ސަހަރާގައި ބޭއްވުމަށް ވަނީ ނިންމާފައެވެ.
advertisment