ކުރީގެ ރައީސް އަބްދުﷲ ޔާމީންގެ މައްޗަށް ކްރިމިނަލް ކޯޓުން އިއްވާފައިވާ ޖަލު ހުކުމް ހައި ކޯޓުގައި އިސްތިއުނާފްކޮށްފައިވާ މައްސަލައިގެ ހުކުމް އިއްވުމަށް ބާއްވާ ޝަރީއަތުގެ އަޑުއެހުން ލައިވް ކުރުމަށް ނިންމައިފިއެވެ.
މި އަޑުއެހުން ތާވަލުކޮށްފައިވަނީ މިއަދު މެންދުރުފަހު 2:15 އަށެވެ.
ހައި ކޯޓުން ވިދާޅުވި ގޮތުގައި އެ ޝަރީއަތުގެ އަޑުއެހުން އެ ކޯޓުގެ ޔޫޓިއުބް ޗެނަލް މެދުވެރިކޮށް ލައިވް ކުރާނެއެވެ.
އެމްއެމްޕީއާރުސީގެ ބޮޑު ހިޔާނާތުގެ މައްސަލައާ ގުޅިގެން ދައުވާ އުފުލި ކުރީގެ ސަރުކާރުގެ އިސްވެރިންގެ ޝަރީއަތްތައް މީގެ ކުރިން ވެސް ލައިވްކޮށްފައިވެއެވެ.