ޔޯގާ އަކީ އިރަށް އަޅުކަން ކުރުމާއި އިސްލާމްދީނުގައިވާ އެއްކައުނަވަންތަ ކަމުގެ އަސާސާ ފުށުއަރާ އެތަކެއް ބަސްތަކެއް އެކުލެވޭ ކަމެއް ކަމަށް ދީނީ އިލްމުވެރިޔާ ޝައިޚް އަލީ ޒައިދު ވިދާޅުވެއްޖެއެވެ.
ޒައިދު މިހެން ވިދާޅުވީ ލޮނުޒިޔާރަތް ޕާކުގައި ޔޯގާ ސެޝަންތަކެއް ކުރިއަށް ގެންދަން ފެށުމާ ގުޅިގެންނެވެ.
މިކަމާއި ގުޅިގެން ޝައިޚު އަލީ ޒައިދު ވިދާޅުވީ ޔޯގާއަކީ ހަމައެކަނި ފިޒިކަލީ ކޮށްލާ ކަސްރަތެއް ނޫން ކަމަށާއި އެއީ އޭގައި، އިރަށް އަޅުކަން ކުރުމާއި އިސްލާމްދީނުގެވާ އެއްކައުނަވަންތަ ކަމުގެ އަސާސާއި، ފުށުއަރާ އެތަކެއްބަސް ތަކާއިއެކު ކުރާ ކަމެއް ކަމަށެވެ.
“ކާފިރުންކުރާ ހުރިހާ ކަމެއް އަދި މުސްލިމުންނަކަށް ކުރެވޭކަށް ނޯވެއެވެ. އެކަން ދަންނާށެވެ.” ޒައިދު ވިދާޅުވިއެވެ.
Yoga aky hama ekani physically kollaa kasratheh nooneve! Eiy eygai, irah alhukan kurumaa, islam dheenuge vaa ekkauvantha kurumuge asaas aa fushuaraa ethakeh bas thakaa eku kuraa kamekeve! Kaafirun kuraa "hurihaa" kameh adhi Muslimunnakah kureveykah noave eve! Ekan dhannaasheve!
— Ali Zaid (@alizaid1000) January 21, 2021
އިއްޔެ ފަށާފައިވާ ޔޯގާ ސެޝަނަތްކަކީ މާލެ ސިޓީ ކައުންސިލާއި އިންޑިއަން ކަލްޗުރަލް ސެންޓަރާއި ގުޅިގެން ކުރިއަށް ގެންދާ ޔޯގާ ސެޝަންތަކެކެެވެ. މި ޝެޝަންތައް ކޮންމެ ހަފްތާއެއްގެ ހުކުރު އަދި ހޯމަ ދުވަހު ކުރިއަށް ގެންދާނެއެވެ. އެ ސެޝަންތައް މި ދެ ދުވަހުގެ ހެނދުނު 06:00 އިން 07:00 އަށް ކުރިއަށް ގެންދިއުމަށް ވަނީ ހަމަޖެހިފައެވެ.