ގިލިލަންކަންފުށީގެ ޖެނެރަލް މެނޭޖަރު ހައްޔަރުކުރަން ގޮވާލާ މުޒާހަރާއެއް ބޭއްވުމަށް ނިންމައިފިއެވެ.
މުޒާހަރާ ބޭއްވުމަށް ނިންމާފައިމިވަނީ ކ. ހިންމަފުއްޓާއި ގިލި ލަންކަން ފުށި ރިސޯޓާއި ދެމެދުގައި އޮންނަ ފިނޮޅަކަށް އެ ރިސޯޓުގެ ޖެނެރަލް މެނޭޖަރާއި މުވައްޒަފުން ގޮސް ގެއްލުންދިން މައްސަލައާ ގުޅިގެންނެވެ.
މި މުޒާހަރާ ކުރުމަށް ނިންމާފައިވަނީ މާދަމާ ހަވީރު 4:30 ގައި އެ ރިސޯޓުގެ ކުރިމަތީގައެވެ.
ފިނޮޅަށް ގެއްލުންދިން މައްސަލަ ފުލުހުންނާއި އީޕީއޭ އިން މިހާރު އަންނަނީ ތަހުގީގު ކުރަމުންނެވެ.
އެގޮތުން މިހާރުން މިހާރަށް އަޅަންޖެހޭ ފިޔަވަޅުތައް އީޕީއޭގެ ލަފާގެ މަތިން އަޅާފައިވާ ކަމަށް ފުލުހުން ބުނެއެވެ.